Os nomes galegos máis fermosos

En Galicia está crecendo o uso de nomes galegos para os novos nacementos. Dende Galicia Alive imos facer as nosas propostas para os nomes que consideramos os máis fermosos da nosa lingua:

NOMES DE RAPAZAS:

  1. Sarela
    Nome dun río de Compostela: Sar.
  2. Xoana
    Procede do hebreo Yohanan ou Yehonan, ‘Deus é misericordioso’.
  3. Erea
    Grega: paz
  4. Xiana
    Latina: referido ao xentilicio da familia Iulia, dedicada a Xúpiter
  5. Xulia / Xuliana / Xulieta
    Latina: referido ao xentilicio da familia Iulia, dedicada a Xúpiter
  6. Galicia
    Céltica a través do nome que deron os romanos á nosa terra: Callaecia ou Gallaecia, pronunciado aprox. Kalaikia, a partir do etnónimo céltico calleaci, posiblemente derivado do teónimo Caleac. Polo tanto o significado podería ser terra do pobo da deusa Caleac.
  7. Noela
    Relativa ás orixes da Vila de Noia.
  8. Sabela
    Hebrea: consagrada a Deus, adoradora de Deus.
  9. Branca
    Xermánica: (*blank) branca, brillante.
  10. Lúa
    Nome afectivo e augural dado a unha meniña co desexo de que sexa tan
    luminosa, bela ou inflluente coma a lúa (do latín luna).
  11. Tareixa
    Nome hispano frecuente na Idade Media que tiña como forma primitiva
    Tarasia, de orixe escura.
    Variantes: Tereixa, Teresa.

NOMES DE RAPACES:

  1. Xoán
    Procede do hebreo Yohanan ou Yehonan, ‘Deus é misericordioso’.
    Variante: Xan
  2. Xoel
    Hebreo: Iavé é Deus
  3. Martiño
    Latina: de Marte, ou guerreiro
  4. Xián
    Latina: da familia Xulia
  5. Brais
    Do alcume latino Blasius, posiblemente procedente do latín blaesus (tatexo)
  6. Cibrán
    Latina: delgado, transparente ou orixinario de Chipre
  7. Tristán
    Celta: ruído ou mensaxeiro
  8. Anxo
    Grego: Mensaxeiro.
  9. Osián
    De orixe escura. Para algúns procede do gaélico oisin, ‘cerviño’. Tamén é
    posible que teña que ver coa exclamación hebrea Hoxianna! (latinizada
    Hosanna)
  10. Breixo.
    Latina: sincero, que conta a verdade
  11. Breogán
    Celta: xefe dos celtas que poboaron Galicia

(máis…)

SomosOcéano, Galician Style Fashion

O outro día en Instagram vimos un anuncio de Google Actívate na que nos sorprende unha rapaza cunha camisola na que reivindicaba a República das Illas Cíes. Logo dunhas pescudas e un chamamento polas redes sociais, logramos atopala. Moi amablemente prestouse para concedernos unha entrevista.

Bos días. Podemos saber quen é a persoa que está detrás disto? Cal é o teu nome?

Ola a todos! Son Ana Carpintero e son a responsable da marca SomosOcéano (escrito así todo xunto!)

Que pretende Ana con esta camiseta?

Camiseta República das Illas Cíes (Pincha na imaxe para ir á tenda)

A camiseta que xusto sae no anuncio foi un dos meus primeiros deseños e que seguimos vendendo xenial. Verás, eu son de Vigo, en concreto de Coruxo, e as Illas Cíes forman parte do horizonte que vexo todos os días. Así que cando imaxinei a miña marca sabía que as Illas ían a ter un papel estelar e ocorreuseme este modelo (que ninguén lle busque contido político, eh! É simplemente unha camiseta simpática e bonita). Este modelo de camiseta, tanto en algodón branco como cinza, é orgánico porque xa que estamos a facer unha homenaxe a este paraíso natural parecíame o máis coherente facelo neste tecido. As Illas, como dicía, teñen un papel protagonista en SomosOcéano porque de feito se vos fixades no logotipo da marca, ó lado das letras hai dous cadrados cunhas liñas: se vos fixades ben daredevos conta que é unha esquematización das tres illas! Ou sexa que temos ás Cíes ata no logo!

Que é SomosOcéano?

Suadoiro Riquiña (Pincha na imaxe para ir á tenda)

Pois nunha versión longa afirmo que SomosOcéano é a plasmación en algodón do moito que quero a miña terra, e nunha versión de tres palabras, que é moda atlántica sostible. As miñas prendas falan do mar, do norte, da nosa idiosincrasia e materialízanse en calcetíns con nécoras, cunchas ou faros, camisetas coa palabra Riquiña ou con mimosas douradas, ou suadoiros coa palabra Merda ou con xoubiñas nadando.

 

De onde xorde a idea? 

Calcetíns nécoras (Pincha na imaxe para ir á tenda)

Isto non foi que se me encendese a bombilla e crease a marca. Xorde de moitas frontes: a miña paixón pola moda e pola miña terra, o grandísimo futuro que ten a venda online, a miña propia experiencia anterior no mundo da moda pero dende outro prisma… todo isto fixo que nun momento dado, cando me quedei no paro, decidise volcar todos os meus esforzos en crear algo propio. Durante uns meses de investigación previa a saber por onde me ía lanzar a emprender, dinme conta que había marcas que explotaban a nosa cultura pero coido que descoidaban a parte sostible e as tendencias de moda, así que vin un pequeno nicho de mercado que é a moda atlántica sostible, como eu lle chamo.

Para a xente que descoñeza, que é Google Actívate?

Google Actívate é formación gratuíta en competencias dixitais. Os cursos poden ser presenciais ou online, ó teu propio ritmo e hai oferta dende Márketing dixital, Comercio Electrónico ata de Desenvolvemento de Apps.

Como cambiou esta formación o teu proxecto? Foi antes o idea ou curso?

Foron paralelos. Mentras estaba a desenvolver o proxecto textil con reunións con proveedores, facendo as primeiras mostras, tamén estaba aprendendo como tiña que deseñarse ben a tenda online para que fose efectiva. Coido que a formación previa fixo cos alicerces da web sexan sólidos e que o meu escaparate, que son as redes socias e a páxina, estexa ben traballado.

Canto tempo levas con este proxecto?

Teño unha data gravada a fogo: o 7 de agosto de 2016! Nese día vendeuse a primeira prenda na web. Pero como te explicaba anteriormente, houbo un traballo previo dunhs 6-8 meses de preparativos.

Calcetíns galegos (Pincha na imaxe para ir á tenda)

Onde podemos a topar os produtos de SomosOcéano? 

O punto principal de venta é a tenda online www.somosoceano.com, pero podedes atopar os productos tamén en tendas físicas en Vigo, Tui, Ferrol, Noia, Ribadavia e Fisterra (hai unha pestana de Puntos de Venda, na sección Contacto da web). E tamén acudimos a moitas feiras efímeras por toda Galicia para darnos a coñecer e falar directamente coa nosa clientela que é a mellor do mundo!

 

Para ir rematando a entrevista, como sempre facemos en Galicia Alive, deixamos os últimos momentos para que os nosos invitados, neste caso ti, Ana, nos comente o que queira.

Pois aproveitando que pronto chega o Nadal, pediríalle ós lectores de Galicia Alive que aposten polos agasallos feitos por emprendedores, pequenos artesáns e en xeral polo comercio de proximidade porque ese é o que aporta máis riqueza para todos. Tamén lles pediría que afondasen no concepto de “moda sostible” e tentasen apostar cada vez máis por prendas que non agreden ó medio ambiente e na que se respeta o traballo das persoas implicadas no proceso productivo.

Camiseta fermosa (Pincha na imaxe para ir á tenda)

Por último, gustaríanos comentarche que en Galicia Alive temos unha sección no apartado de entrevistas que se chama preguntas encadeadas. A idea é que respondas a pregunta de Iván González, ex-xogador do CD Lugo e actual xogador do CF Negreira, nos deixou e ti nos deixes outra. Esta é para ti:

Que lugar do mundo che gustaría coñecer? Ese lugar do mundo especial, aínda que fose complicado ir.

Encantaríame viaxar a moitos sitios, pero creo que escollería, por saír do corrente, ir a coñecer Kennedy Space Center da Nasa en Florida. O motivo é que me encanta todo o que ten que ver co espazo, os astronautas, as viaxes a outros planetas… e comprobar se é verdade se hai un galego na lúa!

E a pregunta que elixo é:

Que consello te darías agora se puideses ao teu eu adolescente?

Moitas gracias polo teu tempo, Ana. Foi un pracer. E moitísimo éxito para SomosOcéano, que de seguro que o terás.

 

 
 
 

Axúdanos a seguir escribindo mercando algún destes artigos de Amazon ou mercando algo a partir dos links, só se o precisas.

Proxectos de melloras de comunicacións de Galicia: A Coruña

Continuamos coa nosa preocupación de mellor de Galicia en todos os seus aspectos. Por iso creamos a sección de Queixas Vivas e por iso imos iniciar esta sección de Proxecto de melloras de comunicación de Galicia.

Toda a información que aparecerá aquí foi recadada da Base de Datos da Universidade d’A Coruña:

http://kmelot.biblioteca.udc.es/search*gag/

Continuamos pola Cidade Herculina: A Coruña.

 

A CORUÑA

  • Mellora da movilidade ferroviaria na rexión urbana de Ártabra: Tramo de Alta Velocidade Guísamo-Betanzos

http://kmelot.biblioteca.udc.es/search~S8*gag?/YFERRO*&searchscope=8&SORT=DZ/YFERRO*&searchscope=8&SORT=DZ&SUBKEY=FERRO*/1%2C712%2C712%2CB/frameset&FF=YFERRO*&searchscope=8&SORT=DZ&33%2C33%2C

  • Nova terminal ferroviaria de mercadorías n’A Coruña

http://kmelot.biblioteca.udc.es/search~S8*gag?/YFERRO*&searchscope=8&SORT=DZ/YFERRO*&searchscope=8&SORT=DZ&SUBKEY=FERRO*/1%2C712%2C712%2CB/frameset&FF=YFERRO*&searchscope=8&SORT=DZ&5%2C5%2C

  • Renovación e acondicionamento da liña ferroviaria A Coruña – León. Tramo Cambre – Cecebre

http://kmelot.biblioteca.udc.es/search~S8*gag?/YFERRO*&searchscope=8&SORT=DZ/YFERRO*&searchscope=8&SORT=DZ&SUBKEY=FERRO*/1%2C712%2C712%2CB/frameset&FF=YFERRO*&searchscope=8&SORT=DZ&11%2C11%2C

  • Ferrocarril As Pontes-Ferrol

http://kmelot.biblioteca.udc.es/search~S8*gag?/YFERRO*&searchscope=8&SORT=DZ/YFERRO*&searchscope=8&SORT=DZ&SUBKEY=FERRO*/1%2C712%2C712%2CB/frameset&FF=YFERRO*&searchscope=8&SORT=DZ&10%2C10%2C

  • Liña de tren-tranvía estación FF.CC.: San Cristovo – Cidade Sanitaria (A Coruña)

http://kmelot.biblioteca.udc.es/search~S28*gag?/YTREN&searchscope=28&b=31+++&SORT=D/YTREN&searchscope=28&b=31+++&SORT=D&SUBKEY=TREN/1%2C22%2C22%2CB/frameset&FF=YTREN&searchscope=28&b=31+++&SORT=D&7%2C7%2C

  • Apeadoiro de tren n’A Barcala, Cambre

http://kmelot.biblioteca.udc.es/search~S28*gag?/YTREN&searchscope=28&b=31+++&SORT=D/YTREN&searchscope=28&b=31+++&SORT=D&SUBKEY=TREN/1%2C22%2C22%2CB/frameset&FF=YTREN&searchscope=28&b=31+++&SORT=D&8%2C8%2C

  • Apeadoiro de tren en Cabanas

http://kmelot.biblioteca.udc.es/search~S28*gag?/YTREN&searchscope=28&b=31+++&SORT=D/YTREN&searchscope=28&b=31+++&SORT=D&SUBKEY=TREN/1%2C22%2C22%2CB/frameset&FF=YTREN&searchscope=28&b=31+++&SORT=D&9%2C9%2C

Proxectos de melloras de comunicacións de Galicia: Vigo

Continuamos coa nosa preocupación de mellor de Galicia en todos os seus aspectos. Por iso creamos a sección de Queixas Vivas e por iso imos iniciar esta sección de Proxecto de melloras de comunicación de Galicia.

Toda a información que aparecerá aquí foi recadada da Base de Datos da Universidade d’A Coruña:

http://kmelot.biblioteca.udc.es/search*gag/

Continuamos pola Cidade Olívica: Vigo.

VIGO

Se coñecedes algún proxecto de Vigo ou Pontevedra e arrodores, non dubidedes en comentalo. Nas próximas edición poredes ver melloras d’A Coruña (incluíndo Ferrol).

Proxectos de melloras de comunicacións de Galicia: Ourense

Continuamos coa nosa preocupación de mellor de Galicia en todos os seus aspectos. Por iso creamos a sección de Queixas Vivas e por iso imos iniciar esta sección de Proxecto de melloras de comunicación de Galicia.

Toda a información que aparecerá aquí foi recadada da Base de Datos da Universidade d’A Coruña:

http://kmelot.biblioteca.udc.es/search*gag/

Continuamos por Auria: Ourense.

OURENSE

  • Ramal ferroviario Paderne-Celanova (Ourense)

http://kmelot.biblioteca.udc.es/search~S8*gag/?searchtype=Y&searcharg=Ramal+ferroviario+Paderne-Celanova&searchscope=8&sortdropdown=-&SORT=DZ&extended=0&SUBMIT=Busca&searchlimits=&searchorigarg=YFERRO*%26SORT%3DDZ 

  • Conexión coa Península:

http://kmelot.biblioteca.udc.es/search~S32*gag?/cRPM+57/crpm+57/-3%2C-1%2C0%2CE/frameset&FF=crpm+61&1%2C1%2C

  • Acceso ferroviario ao polígono industrial de San Cibrao das Viñas

http://kmelot.biblioteca.udc.es/search~S8*gag?/YFERRO*&searchscope=8&SORT=DZ/YFERRO*&searchscope=8&SORT=DZ&SUBKEY=FERRO*/1%2C712%2C712%2CB/frameset&FF=YFERRO*&searchscope=8&SORT=DZ&42%2C42%2C

  • Variante para el tren de alta velocidad en Guitiriz

http://kmelot.biblioteca.udc.es/search~S28*gag?/YTREN&searchscope=28&b=31+++&SORT=D/YTREN&searchscope=28&b=31+++&SORT=D&SUBKEY=TREN/1%2C22%2C22%2CB/frameset&FF=YTREN&searchscope=28&b=31+++&SORT=D&6%2C6%2C

  • Estudio informativo conexión ferroviaria Frontera portuguesa-Verín-LAV Madrid-Galicia

http://kmelot.biblioteca.udc.es/search~S8*gag?/YFERRO*&searchscope=8&SORT=DZ/YFERRO*&searchscope=8&SORT=DZ&SUBKEY=FERRO*/1%2C712%2C712%2CB/frameset&FF=YFERRO*&searchscope=8&SORT=DZ&39%2C39%2C

Se coñecedes algún proxecto de Ourense e arrodores, non dubidedes en comentalo. Nas próximas edición poredes mellores d’A Coruña (incluíndo Ferrol) e Vigo (incluíndo Pontevedra).

 

Proxectos de melloras de comunicacións de Galicia: Lugo

Como dixemos xa, o comezo da existencia da nosa andaina na rede, unha das nosas preocupación era a mellora de Galicia en todos os seus aspectos. Por iso creamos a sección de Queixas Vivas e por iso imos iniciar esta sección de Proxecto de melloras de comunicación de Galicia.

Toda a información que aparecerá aquí foi recadada da Base de Datos da Universidade d’A Coruña:

http://kmelot.biblioteca.udc.es/search*gag/

Decidimos seguir pola capital de Gallaecia: Lugo.

LUGO

Se coñecedes algún proxecto de Lugo e arrodores, non dubidedes en comentalo. Nas próximas edición poredes mellores d’A Coruña (incluíndo Ferrol), Vigo (incluíndo Pontevedra) e Ourense.

Para Lugo tamén vos deixamos unha visión do que podería ser:

Proxectos de mellora de comunicacións de Galicia: Santiago de Compostela

Dende o comezo da existencia da nosa andaina na rede, unha das nosas preocupación era a mellora de Galicia en todos os seus aspectos. Por iso creamos a sección de Queixas Vivas e por iso imos iniciar esta sección de Proxecto de melloras de comunicación de Galicia.

Toda a información que aparecerá aquí foi recadada da Base de Datos da Universidade d’A Coruña:

http://kmelot.biblioteca.udc.es/search*gag/

Decidimos comezar pola capital de Galicia: Santiago de Compostela.

 

SANTIAGO

 

 

Se coñecedes algún proxecto de Santiago e arrodores, non dubidedes en comentalos. Nas próximas edición aporedes mellores d’A Coruña (incluíndo Ferrol), Vigo (incluíndo Pontevedra), Lugo e Ourense.

Para Santiago de Compostela, deixámovos unha visión do que podería ser:

 

 

 

Axúdanos a seguir escribindo:

http://amzn.to/2p7rCqB

Cal é o teu himno?

Cada vez que vemos O Noso Derbi o como decimos en Galicia Alive O Noso Clásico desfrutamos dun espectáculo espectacular do Himno de Galicia.

Segundo a RAG un himno é:
Composición musical destinada a ser cantada en honra e loanza de algo ou de alguén e que se converte en símbolo dunha comunidade de persoas, dun ideal etc.

Dende aquí queremos preguntarvos: ¿Dos seguintes himnos cal considerades o voso?

  • Himno do Antigo Reino de Galicia

  • Himno de Galicia (actual)

  • Himno do Reino de España

  • Himno da Alegría

  • Himno da II República Española

Dende Galicia Alive deixamos a escolla a vosa elección, pero ante todo pedimos respecto a decisión de cada persoa. Comentádenos aquí a vosa preferencia.

 

 

 

Retranca a canadense: Dende Noia ao Canadá

Hoxe en Galicia Alive temos o pracer e a sorte de entrevistar a Maria Barreiro, unha galega que se atopa lonxe de Galicia. Por se non recordades, dende a páxina de Galicia realizouse un evento no que estábamos á procura do embaixador de Galicia que está máis afastado na nosa terra. O evento levaba como nome Pursuit of Galicians who are far, far away from home e Maria foi unha das persoas que estaba lonxe de carai.

Boas noites Maria Benvida! Para que todo o mundo o saiba, onde te atopas?

Boas! Pois agora mesmo en Riviere-du-Loup, provincia de Quebec, así que no Canadá.

Como esta entrevista é a distancia, e aquí agora mesmo son as 21.46 pódesnos dicir que hora é aí?

Pois 6 horiñas menos, así que son as 15:00 da tarde. Cousa que complica bastante comunicarse ca terriña. Ou vós estades durmindo ou nós estamos collendo o sono.

De onde é orixinariamente Maria?

Eu son de Noia, da Alameda mesmiña, no medio e medio da festa.

Entre neve

Entre neve

Bueno, agora que xa sabemos que andas polo Canadá. Podes dicirnos que foi o que che levou a esa terra tan fría?

Despois de estar traballando por Europa adiante e voltar á universidade, apetecíame cruzar o charco e apareceu unha boa oportunidade: unha “beca” de intercambio para o último ano de estudos.

Pero realmente a túa aventura, tanto estudiantil como xa laboral, non comezou aí. Andivestes por terras catalanas, francesas… Cóntanos un pouco, só se queres, a experiencia en cada unha delas e o que botabas de menos en cada sitio de Galicia.

As miñas aventuras xa comezaron de pequena cando meus pais me mandaban ós campamentos de verán, que aínda que ía a regañadientes, logo non quería voltar. Logo marchei a Santiago a rematar o bacharelato e de aí empezaron as aventuras no estranxeiro: Marbella, Inglaterra e Francia… Facendo prácticas de hostelería. Tras pasar dúas tempadas de inverno nos Alpes franceses decidín voltar e cambiar de rumbo: estudar tradución. Iso foi en Barcelona e de aí a Quebec, como vos dicía, a rematar a carreira. Con tan boa sorte que o ano seguinte conseguín voltar a traballar e aquí sigo despois de 4 anos.

A verdade é que o que máis se bota en falta, independentemen de onde me atopara, era o noso carácter retranqueiro e a boa comida… anda que non ían as maletas cargadiñas entre Santiago e Barcelona! Pulpo conxelado e todo!

Canto tempo levas agora polo Canadá? Tes pensado quedar moito tempo por aí? Tes en mente outro sitio ou voltar a terra?

Nestes últimos 5 anos vivín en varias cidades de Quebec: Quebec mesmo, Montreal e agora RDL. Pasar dunha gran cidade a unha cidade máis pequena coma esta (20.000 habitantes) sempre leva incorporados desafíos e esixe unha adaptación. Este pobo parécese moito á nosa terriña e, sobre todo, á nosa costa coas montañas non moi elevadas e redondiñas e o mar ben preto. O único é que aquí non estamos a falar do océano senón do río San Lourenzo, salgado neste punto, pero río.

Polo de pronto estou ben instalada nestas novas terras de adopción, pero non descarto seguir coñecendo o país (e que é enoooorme!). Para iso primeiro hai que arreglar os papeis e iso leva tempo, moito tempo, moita paciencia e uns cartiños.

Como cando marchei a primeira vez de Galicia foi por decisión propia, nunca descartei voltar. A pena agora mesmo é que plantexarse voltar non é viable e menos nunha profesión coma a miña na que normalemente “vale calquera”.

Que fai Maria en terras canadienses: traballa, estudia…?

Traballar sí, pero disfrutar tamén! Estando de directora de aloxamento nun hotel de 110 habitacións non che deixa moito tempo libre, pero en canto se pode faise unha escapadiña para visitar os arredores. E ca disculpa de estares informada de toda a vida cultural da zona, aproveitase ben para participar en mil aventuras.

Por certo, como se levaron por aI as eleccions americanas dende o país veciño?

Aquí mírase con moito recelo ós veciños de abaixo, non só polo que poida afectar indirectamente senón porque moitos quebequenses teñen a súa segunda residencia en Florida, asi que xa vos podedes imaxinar. Só para darse unha idea, a páxina de inmigración do Canada bloqueouse tras coñecer o resultado das eleccións… e os chistes sobre como se veu a campaña electoral nos Estados Unidos estaban á orde do día.

Cales son as maiores diferenzas con respecto a Galicia? Educacion, sanidade, mundo laboral… tanto boas como malas. Sen censura: alugueres, comida, idioma…

Polo que levo visto e vivido hai moitas cousas boas, outras non tanto e outras moi semellantes a Galicia.

Hai algo que chama moitísimo a atención de todos os que vimos de fóra: o respecto. Aquí unha cola é unha cola de verdade e respétase a orde de chegada. Nos supermercados moitos productos están colocados fóra, sen candados de seguridade nin nada, págase na caixa e ó saires colles o que pagaches.

Facendo patria dende Quebec

Facendo patria dende Quebec

Aínda que é verdade que ás veces pásanse un pouco pedindo perdón por todo. Chegáronme a pedir perdón nunha cola porque o que ía diante miña, pois ía pedir antes ca min, como é lóxico. Tamén me pasou unha vez no hotel cunha chamada, puxen en espera a unha clienta e cando voltei coller a chamada o primeiro que dixo foi perdoa por molestarche, seguro que estabas ocupada e eu chamando. Pero polo que teño oído, iso é máis do carácter anglosaxón, estes quebequenses son máis rabudos.

O sistema sanitario canadiense é famoso por ser gratuíto, e así o é. Aseméllase moito á nosa seguridade social, para o bó e para o malo. Cando vas a urxencias, vai con calma. Conseguir ter médico de familia pode levarche 3 anos como mínimo. Se estás como traballador temporal non tes dereito ó seguro dos medicamentos, así que pagas sempre todo… pero cando consigues entrar no sistema, alégraste de vivir tan ó norte do continente.

Outra diferenza enorme, que notei nada máis chegar aquí ó pobo, é que che valoran os teus coñecementos un montón. Danlle moita importancia ós estudos, ós teus traballos anteriores e ás túas aptitudes. En moitos traballos nin sequera se firma un contrato de traballo senón que ti empezas a traballar o día acordado e dúas semanas despois ou unha dependendo de como che coincida, ingrésanche o acordado. Sendo todo perfectamente legal. A palabra vale moito. Coma en todas partes, hai excepcións, pero en xeral así sucede.

Agora imos a pornos un pouco sentimentais. Achégase o Nadal, imaxino que botarás de menos a familia, pero que é o que máis botas en falta destas datas?

Bótase de menos todo o ano porque están lonxe. Despois de levar case 10 anos fóra da casa, estas datas de nadal cóllense con outras ganas. Estea onde estea, as uvas non se perdoan e cómense coas badaladas da porta do Sol. Xa non digamos o día 22, ese día se fai falla ata me poño enferma, pero o sorteo da lotería non se perde por nada do mundo.

E non che podo mentir… a comida bótase a faltar moitísimo. Aquí cómese ben, pero os sabores non son os mesmos. O peixiño pequeno, esas cigaliñas de nadal, un bó caldo galego cos seus greliños e o seu chourizo, sobre todo os chourizos galegos dos que se comen, así – indica co xesto – agarrando pola punta e a mordidas. Pouco a pouco vannos chegando cousiñas ós supermercados de aquí e vaise levando millor… A última, polbo español xa listo para comer. Iso quedará para celebrar o Nadal e darlle un toquiño especial.

E que é o que máis se estrana? Pois o noso carácter, a nosa proximidade nas relacións humanas que á mínima xa estamos de ganchete ca persoa que acabamos de coñecer. Agarrarse, abrazarse, dar os dous bicos, tardar en despedirse e botar unha hora despedíndonos, xuntarse para comer e seguir sentados á mesa ás 9 da noite sacando xa algo que picar para logo cear… En resumo, toda esa familiaridade que tanto nos caracteriza, iso si que non ten precio.

Pasoume unha anécdota a primeira vez que voltei despois de dous anos sen pisar a nosa terriña, que cando a familia se boutou a min para achucharme, non mo esperaba e quedei tesa coma un pau! Costábame un montón que a xente me falara de tan preto, e xa non vos digo nada nos pasillos do supermercado, que a xente non fai máis que pegarse. Como podedes imaxinar todo acabou cunha boa lapote, santo remedio.

Ademais das festas do nadal, que outras festas estrañas?

O verán completo!!! Dende maio ata outubro! Esas nosas festas coa súa orquesta, a sesión vermut, os cacharros e as ganas de pasalo ben. Nótase moito a diferenza de carácter. Supoño que nas grandes cidades será doutra maneira, pero aquí onde vivo eu os que acaban participando en toda manifestación cultural rondan a media de 55 anos, non acabamos de saber onde queda a xuventude.

Frío sol

Frío sol

Unha pregunta máis. Coñeceches algún galego ou algunha galega que estea tamén aí?

Pois unha vez contáranme que por estes lares había un galego que casou cunha autóctona e construi unha casiña no medio do monte. Dixéranme que alí vivía cos fillos, pero nunca souben quen era.

Facemos un chamamento dende Galicia Alive a ver se o atopamos. Para rematar, ao igual que nos debates políticos, deixamos os últimos intres para que nos contes o que queiras. Ou como pasaría no Luar, saúda a quen queiras.

Pois gustaríame aproveitar para mandarlle un saudiño aos meus galeguiños e galeguiñas que andan pola nosa terriña e que nos 15 días de vacacións non da tempo máis que a darlles un abrazo e pouco máis, e tamén os que andan por fóra esperando o bó momento para voltar: Londres e Lima.

Graciñas por deixarme contarvos un pouquiño destas terras do norte e quedades todos invitados a vir probar os -40 grados cando queirades!!

Moitas gracias a ti. Aproveitamos este momento para felicitarvos o Nadal a todos os galegos que estades fóra. En especial a Bea, que polas mesmas épocas o ano pasado nos respondeu a algunhas preguntas dende Nova Zelandia, e, como non?, ti, María. Desfruta desa temperatura tan fresca e a todos os que nos leron convidámosvos a que lle botedes un ollo ao blog de María, onde nos relatas algunhas expericiencias por esas terras:

http://canadaajalleja.blogspot.com.es/

 
 
 

Axúdanos a seguir escribindo mercando algún destes artigos de Amazon ou mercando algo a partir dos links, só se o precisas.

 
 
 

Frío infinito

Frío infinito

A incompatibilidade entre Google Adsense e o galego

Google Adsense é un sistema de publicidade desenvolvido por Google. Permite que os administradores de páxinas web formen parte dun mesmo circuíto publicitario no que se publicitian textos e imaxes que Google selecciona conforme aos criterios do cibernauta, como a súa localización ou o seu historial de buscas.

O galego é a propia de Galicia. Esta lingua románica é oficial na Comunidade Autónoma de Galicia xunto co castelán. A parte de en Galicia, a lingua fálase tamén en territorios limítrofes con esta comunidade, aínda que sen estatuto de oficialidade. Estes lugares son:

Flag of Asturias (indoor).svg Terra Eo-Navia
Bandera de El Bierzo.svg O Bierzo
Bandera de Zamora.svg As Portelas
Bandera de Cáceres.svg Val de Xálima

O galego tamén é utilizado na diáspora galega. Este é o proceso de emigración masiva que se produciu en Galicia durante as tres últimas décadas do século XIX ata ben pasada a metade do século XX. Na segunda década do século por mor da crise en Galicia e España iníciase unha segunda vaga de emigración galega, principalmente cara países do norte de Europa. Isto fai do galego unha lingua cuns 4.000.000 de falantes.

galicia-google

Pois ben, parece ser que estas dúas ferramentas, Google Adsense como ferramenta de negocio e o galego como ferramenta de comunicación, non son compatibles.

Recentemente quixemos pasar, nós, Galicia Alive, de ser unha web sen máis a rentabilizar o noso traballo. A nosa sorpresa foi que tras tentar abrir unha conta no Adsense obtivemos a seguinte resposta:

“Gracias por el interés mostrado en Google AdSense. Desafortunadamente, tras examinar su solicitud, no podemos aceptarle en AdSense en este momento.

No hemos aprobado su solicitud por los motivos que enumeramos a continuación.

Idioma no disponible: hemos comprobado que la mayor parte del contenido de su sitio se encuentra en un idioma que no está disponible en estos momentos. Los idiomas en los que se ofrece el programa y la segmentación de anuncios se indican en este artículo de ayuda. Si administra o posee otro sitio en uno de los idiomas disponibles, no dude en volver a enviar la solicitud según se indica más adelante. Si bien esperamos poder ofrecer AdSense en su idioma muy pronto, todavía no podemos anunciar una fecha concreta.”

Non imos ser nós os que lle imos dicir o tipo de políticas que debe seguir a unha empresa nin tampouco obrigar a ninguén a facer o que non quere facer. A pesar diso, resúltanos raro e queremos que chegue o máis lonxe posible o que nos aconteceu, así como expresar o noso malestar ao respecto. Non polo gran número de visitas que aínda non temos, senón polo que nós considerámos unha falta de críterio e de sentido. Por estar a web en galego non é posible poñer anuncios? Non hai mercado en galego? Quizais hai poucos anuncios en galego?

Esperamos que a frase “Si bien esperamos poder ofrecer AdSense en su idioma muy pronto, todavía no podemos anunciar una fecha concreta” sexa certa e que o galego poida, por fin, ser considerada unha lingua de negocio.

Axúdanos a seguir escribindo mercando en Amazon a través deste link: