Partidos políticos galegos

Porque é importante coñecer a política dun país para entender o seu pasado, vivir o seu presente e construír o seu futuro.

En Galicia existen os seguintes partidos:

Para informarte máis de política mira os nosos artigos sobre este tema pinchando aquí.

Cal é o teu himno?

Cada vez que vemos O Noso Derbi o como decimos en Galicia Alive O Noso Clásico desfrutamos dun espectáculo espectacular do Himno de Galicia.

Segundo a RAG un himno é:
Composición musical destinada a ser cantada en honra e loanza de algo ou de alguén e que se converte en símbolo dunha comunidade de persoas, dun ideal etc.

Dende aquí queremos preguntarvos: ¿Dos seguintes himnos cal considerades o voso?

  • Himno do Antigo Reino de Galicia

  • Himno de Galicia (actual)

  • Himno do Reino de España

  • Himno da Alegría

  • Himno da II República Española

Dende Galicia Alive deixamos a escolla a vosa elección, pero ante todo pedimos respecto a decisión de cada persoa. Comentádenos aquí a vosa preferencia.

 

 

 

Por que ten sentido votar partidos rexionalistas, autonómicos ou nacionalista sen selo?

Dende Galicia vense, pola gran mayoría da xente, os resultados nas eleccións xerais en autonomías como o Euskadi e Catalunya como algo problemático. Canta xente cre que calquera destas rexións, autonomías ou nacións sen estado terían o respaldo maioritario da poboación no momento de levar a cabo a independencia? O certo é que moita xente da que vota a estes partidos non apoiaría unha total independencia. Entón por que teñen tantos votos estes partidos? A resposta é simple: porque defenden os intereses das rexións que representan. Outros casos dos que se fala menos son o C.C. (Coalición Canaria) e anteriormente o P.A. (Partido Andalucista) ou o CHA (Chunta Aragonesista). Estes últimos partidos e os cataláns e os vascos conseguiron melloras para as súas comunidades autónomas por obter representación no Parlamento e axudar a conformar un goberno.

É evidente que os partidos votan en bloque. Isto, ademais de facer que a Democracia Representativa na que vivimos perda o valor de democracia e moito máis de representativa, fai que un diputado d’A Coruña teña que votar o mesmo ca un de Cáceres aínda que isto sexa perxudicial para ambas rexións. Non todos os votantes dos partidos pensan igual en todos os temas, isto non se ve na política actual. A representación sería máis realista se dentro dos partido tivesen liberdade de votos. Ao igual que os estatais os partidos rexionalistas, autonómicos ou nacionalista votan en bloque, pero cal é a diferencia? A diferencia é que estes votan en consecuencia coas necesidades das provincias e autonomías que representan. Un deputado dun partido nacionalista non votaría a favor de algo que considere que vai a empeorar  a situación da rexión, autonomía ou nación que represente.

Coa irrupción dos novos partidos na sociedade está cambiando a situación. É simple ver que a tendencia nos últimos anos era que estas forzas aumentasen. Pero que está pasando actualmente? O que pasa é que esas forzas se manteñen mais ou menos do mesmo xeito. Incluso nas Islas Canarias. Agora coa irrupción de Podemos estas forzas víronse sobrepasadas neses lugares pero sen roubarlle demasiado escanos a estes partidos. De onde sae entón a súa forza? Dos partidos estatais. Non desexan así os cidadáns destes lugares perder a súa autonomía e capacidade de decisión nas decisión do Estado. Vexámolo:

Euskadi - Eleccións

A situación na política vasca como vemos tivo moitos movementos durante as últimas eleccións. Aínda así sempre tivo unha alta representación nacionalista no Congreso. Cómpre dicir que aquí non se están incluíndo os resultados de Podemos no 20D, partido que conseguiu escanos de EH-BILDU, PP e PSOE.

Catalunya - Eleccións

En Catalunya faise máis evidente que non se perdeu compoñente nacionalista. Vese que o compoñente nacionalista se veu aumentado se sumamos todos os escanos.

Galicia - Eleccións

En Galicia pola contra o único partido (xa que En Marea preséntase como coalición) que representaba a Galicia non conseguiu representación ningunha nos últimos comicios.

Vese, analizando os datos dende as eleccións do 2000, que nestes lugares non só non perderon forza, senón todo o contrario. Exceptuando o caso das eleccións do 2011 onde houbo un repunte dos nacionalismos que supera ás últimas eleccións. Hai algún problema con defender a rexión, autonomía ou nación que representan? Non é o lóxico que cando votas a calquera deputado este che represente? Claro que o é.

Se a Democracia Representativa na que vivos fose unha democracia real, teríamos que votar nós cada lei. Se fose representativa, tería que haber liberdade de voto por parte dos deputados, os cales deberían rendir contas ás súas provincias. Como isto non é así os partidos rexionalistas, autonomistas ou nacionalistas son un bo instrumento para que as cousas nas nestas rexións, autonomías ou nacións se teñan en conta nos asuntos do Estado.

Non debemos esquecer que o Estado está conformado por todas as autonomías, sexan unhas consideradas nacións ou non. Isto de nación non é algo que se inventase ningún galego iluminado nos últimos anos, senón que é un consenso ao que se chegou no 78 para facer a Constitución:

Artículo 2: Unidad de la Nación y derecho a la autonomía

La Constitución se fundamenta en la indisoluble unidad de la Nación española, patria común e indivisible de todos los españoles, y reconoce y garantiza el derecho a la autonomía de las nacionalidades y regiones que la integran y la solidaridad entre todas ellas.

Tampouco debemos esquecer que a pesar de que se nos diga que todos os españois somos iguais o certo é que se naces en Madrid, Catalunya e Euskadi tes unhas vantaxes laborais e uns salarios que nacendo, por exemplo, en Galicia non tes. Incluso por ser canario ou balear hai unhas condicións distintas ás demais. Todos somos iguais e distintos. Por iso defender os intereses do teu territorio non é, nin nunca será, ir en contra do Estado. Se unha rexión se fai máis forte todo o Estado se fai máis forte. Por todo isto votar a un partido rexionalista, autonónico ou nacionalista é a mellor das eleccións.

FONTES dos datos:

Comparativa 20D 2015
http://resultadosgenerales2015.interior.es/congreso/#/ES201512-CON-ES/ES

Resultados anteriores:
http://resultadosgenerales2015.interior.es/congreso/#/ES201512-CON-ES/ES/CA09

 

Partido Galego de Dereitas

Vivimos un tempo de cambio político. Vivos un tempo no que as cousas deben remexerse para crear novas correntes e ideoloxías.

No que aos votos se refire os resultados en Galicia son claros, aínda que non de todos @s galeg@s, xa que continuamos coa reiterancia da emigración. @s galeg@s con capacidade de votar en Galicia deixan claro que a política en Galicia se rexe por unha man conservadora.

Ademais o voto independentista galego tamén se ve minorizado a prol de votos nacionalistas que consideran a inclusión da Nación Galega dentro dun estado plurinacional. Estes votos están orientados a unha ideoloxía con políticas sociais e progresistas.

Agora ben, vendo e analizando os votos dos últimos comicios electorais (as estatais) obsérvase que na falta de opcións de votación dunha dereita que se preocupe de Galicia reside a forza das existentes forzas actuais. Cidadáns non levaba nada proposto para Galicia e aínda así tivo escanos. O PP, un partido do que agora se denominado vella política, reduciu os seus votos aínda que non todo o esperado. Moitos votantes decidiron votalos por non ter outra alternativa de centro-dereita que, con especial preocupación, tivese un programa por e para Galicia.

Vimos pouco antes de facer esta publicación unha imaxe doutro análise en nacional.gal tamén se daban conta desta situación.

Mountain View

Galicia precisa para cambiar un partido galego de centro-dereita que teña un plan específico para Galicia, que non teña que rendir contas a un ente superior e que lle dea a cidadanía o que quere: permanecer no estado, un goberno moderado e que mellore a situación de atraso que ten Galicia.

A pregunta é: Por que non pasou xa?

 

Entrevista a Beatriz Reboredo: A galega que está máis lonxe

Hoxe en Galicia Alive temos o pracer e a sorte de entrevistar a Beatriz Reboredo, a galega que se atopa máis lonxe de Galicia. Por se non recordades, dende a páxina de Galicia realizouse un evento no que estábamos á procura do embaixador de Galicia que está máis afastado na nosa terra. O evento levaba como nome Pursuit of Galicians that are far, far away from home.

Bos días Beatriz! Benvida!

Bos días

Para que todo o mundo o saiba, onde te atopas?

Atópome en Nova Zelandia, concretamente en Auckland, na illa norte. Aquí nas antípodas.

Como esta entrevista é a través da rede, hai unha pregunta que non pode faltar. Aí vai: que hora é aí?

Aquí son as 19:38 p.m., 12 horas máis ca en España.

De onde es orixinariamente Bea?

Eu son ourensana, filla dun lugués e dunha viguesa.

Así que hai mestura de provincias. Tan só falta Coruña.

Case de todos os sitios.

A que te adicas Bea?

Son física. Estou facendo en Auckland un doutoramento en física atmosférica. Se queres cóntoche un pouco de que vai o proxecto.

Paréceme ben, adiante!

O proxecto leva de nome Atmospheric Response to Tropical Diabatic Heating, traduciríase como Resposta atmosférica ao calentamento diatérmico nas zonas tropicais.

Sempre me custa un pouco explicalo de forma resumida pero basicamente traballo cunha versión en proba dun modelo atmosférico. A importancia disto está en que existe unha oscilación/perturbación na atmosfera que comezou a estudarse fai xa uns cantos anos, Madden-Julian Oscillation, e é un evento, como podería selo El Niño e La Niña, que afecta á predictabilidade meteorolóxica. Os modelos numéricos actuais, que son sobre os que traballa a meteoroloxía, a base das prediccións, non son capaces de distribuír, por decilo dalgunha maneira, a enerxía na atmosfera de xeito que este fenómeno apareza reflectido e polo tanto os prognósticos vense afectados. O ideal sería desenvolver un modelo que, pola súa configuración interna, sexa capaz de ter en conta todos os procesos que interveñen na meteoroloxía, absolutamente todos, pero como sabemos se isto fose así as predicións serían exactas e non é o caso. Todo é susceptible de ser mellorado e eu estou traballando ou aportando o meu gran de area.

Vale, vale...

Se non quedou claro despois explícocho máis en detalle.

Moitas gracias. Agardo máis información entón para acabar de entendelo – risas. – Cambiando de tema, canto tempo levas aí?

Pois cheguei a mediados de agosto. Sete meses xustos van facer mañá.

Sete meses…

Pasan voando!

Que leva a unha física a atravesar medio globo para traballar?

Pois mira… resulta que eu fixen o máster de meteoroloxía en Barcelona, como xa sabes, e cando terminei o máster tras facer as prácticas de empresa estaba bastante motivada para continuar no mundo da investigación, cousa que non me pasara cando fixen a carreira. Saín desmotivada… isto é a verdade – confesa. – Entón, que pasa?, que no máster atopei esa motivación que me facía falta para saber que quería. Se escoller entre continuar no mundo da empresa privada, que tamén me gusta, ou no mundo da investigación. Finalmente decanteime pola investigación porque nese momento me apetecía. O que fixen foi botar a todo o que aparecía, por dicilo dalgunha maneira; todo o relacionado coa meteoroloxía e con modelos meteorolóxicos, que foi o que fixen no proxecto final de máster: becas de investigación, programas de doutorado… A verdade é que tiven bastante sorte. Non vou dicir que todo ao que apliquei me saíra, pero si tiven a sorte de ter onde escoller. Ó final tiven que decidir en o BSC en Barcelona, o CIEMAT en Madrid e isto, pero dende que apliquei á beca de aquí estaba bastante decidida a collelo se saía. O que máis me chamou foi o país. Ademais o meu mozo estaba convencido de que se saía viña comigo. El levaba moitos anos traballando de fisioterapeuta en clínica e díxome que non lle importaba traballar de calquera outra cousa. Foi como consensuada (a decisión) porque, aínda que eu son moi de “veña va!”, se non tivese o seu apoio quizais non viña. El agora está traballando de asesor de estudantes aquí en Auckland nunha empresa que se adica a iso, asesorar estudantes que queren vir a estudar masters, diplomas… É unha empresa que por certo (cuña publicitaria) se chama Mint Studies e traballa con xente que queira aumentar o seu nivel de inglés, etc.

Segues a política actual do estado español?

A verdade e que vexo todo e intento ler todo o que podo e gústame estar informada. Estou moi metida a verdade.

Puideches votar dende aí?

Cala, cala… Discutín coa embaixada, vía email, pero discutín. Obrigábannos a inscribirnos como residentes, co cal perderiamos a tarxeta sanitaria. Un problema que está tendo moita xente.

Certo é, un dos cambios que houbo ao comezo desta lexislatura.

Eu quería inscribirme como non residente, xa que así podería votar igualmente. Dixéronme que non podía porque como estarei máis dun ano… Despois duns intercambios de mails entre a embaixada e mais eu, acabaron dicíndome que ou me inscribía coma residente ou non me inscribía. Entón o que fixen foi recurrir á Marea Granate.

Como funcionou iso?

A verdade é que moi ben. Aínda así quedaron moitos dos chamados votantes orfos, xente que está fóra sen poder votar.

Había moita xente involucrada?

Si, había. Ademais como isto vai por circunscripcións e son provinciais, entón ti terías que contactar con alguén da túa mesma circunscripción. Isto facíao moi complicado así que o fixeron por comunidade autónoma.

Foi moi fácil. Só tiven que esperar unha semana ata que me tocou turno, falei coa chica e moi ben. Ela incluso me enviou unha foto cunhas gafas como de incógnito votando, metendo a papeleta.

De onde era a rapaza?

De Ourense. Aproveito e mándolle un saúdo!

 

E en Nova Zelandia? Estás inmersa na políticia?

A verdade é que non tanto, non me entero moi ben. Si sei quen está gobernado, de que partido, como vai o tema agora co da votación da bandeira…

Votación da bandeira?

Si, vaise votar unha nova badeira, bueno, ou a que está, para o país.

Pero hai unha nova xa proposta?

Si. O certo é que había catro bandeiras propostas e a xente tivo que votar entre esas catro cal prefería. Agora teñen que votar cal prefiren: a actual ou a nova.

E isto a que se debe?

Débese a que a bandeira actual está moi ligada a ocupación británica. Hai xente que renega dela e desexa deixar iso no olvido.

Como saberás o nome do país ten dos nomes oficialmente: 1-09-2015_9-09-29_amNew Zealand en inglés ou Aotearoa en maorí. Supoñemos que as comunicacións co resto da xente son en inglés, ves de algún xeito no teu día a día o uso do maorí?

Esta pregunta está moi guai e oxalá puidera decir que si, pero non é o caso. A ver, as linguas oficiais aquí son o inglés, o maorí e a linguaxe de signos.

Eu antes de chegar aquí sabía da existencia do maorí, pero non sabía exactamente o uso. Non sabía se ti ías pola rúa e escoitabas a xente falar en maorí. Creo recordar que só un 4% da poboación fala maorí. Pola miña experiencia na universidade o seu uso redúcese ao saúdo e a despedida en mails e comunicados oficiais, que son nesta lingua. A parte, eu non coñecín na universidade moita xente orixinariamente de aquí. Coñezo maoríes, pero incluso dentro dos maoríes como etnia só un 30% fala maorí. É unha lingua que aínda estando moi protexida, polo menos o que eu penso, non se escoita moito, sobretodo en Auckland, que é unha cidade moi multicultural.

Cal é a palabra que máis che gusta?

Gústame moito “waka” que se pronuncia similar a ‘faca’ e significa canoa. Coñezo palabras coma ‘Kia Ora’ (é o saúdo), pā (é un poboado fortificado)… A maioría coñézoas porque cando vas visitar calquera enclave turístico cóntanche a historia de cómo chegaron os maoríes e hai moitas palabras ligadas á historia, que se conservan na lingua orixinal. Teñen unha palabra que sería en español “payo” para denominar aos brancos (non maoríes) que é “pākehā“. Ademais, lin antes de vir un libro ambientado aquí durante o colonialismo británico no que había moitas palabras maoríes. “Rangi” por exemplo, é ceo, e moitos dos nomes das vilas son tamén orixinariamente maoríes.

Ata onde eu sei viaxas moitos. Quédache moito por ver?

Si, non nos movimos da illa norte. Fáltanos aínda toda Nova Zelandia por visitar. É que hai mil sitios, aquí ves tres semanas e non che chega a nada. Viaxamos ao norte e ás illas que están máis preto.

Ademais de viaxar, que é o que máis che agrada de tomar a decisión de ir?

Unha cousa soa non podo dicir, é máis a experiencia en si. Aínda que boto de menos ós meus amigo e a miña familia. A sensación de que non é económicamente posible ir pasado mañá a casa agóbiame un pouco. Pero quédome co positivo. A experiencia, todo en xeral. Por exemplo, unha das primeiras cousas que visitei foi un volcán, xa extinto, que a min… buff – resopla indicando a súa impresión. – Pois a xente aquí non lle dá importancia. Pois como será o resto do país? – pregúntase asombrada.

A comida encántame. Hai comida de tódolos sitios: malasia, xaponesa, china… Comida do sudeste asiático.

Isto contéstamo en voz baixa. Que non che gusta?

Ah, non! Dígoo moi claro – contesta convencida. – Os prezos. É carísima, alomenos Auckland. No tema dos alugueres pode facerlle fronte incluso a París. Nin Barcelona nin Madrid son tan caros. O punto positivo é que os soldos son consistentes co prezo dos alquileres. O salario mínimo ronda os 1500€ ó cambio. Vas comprar leite e ao cambio non habería ningún por menos dun euro. E como co leite, con case todo.

E obviamente, como xa dixen, o feito de estar lonxe dos amigos e dos familiares – di mentres manda un bico que recollemos para eles.

E os pinchos, tamén os boto moito de menos.

Sendo de Ourense e nas datas que estamos supoño que botarías de menos o Entroido, que é o que máis botas de menos de Galicia?

É o primeiro Entroido na miña vida que non estou en Ourense. Na miña vida! – recalca. – Sempre fixen como fose para poder vir. É que fun a Ourense cando estaba de Erasmus… Para min o Entroido e os Magostos son… – cavila.

O máis, non?

Encántanme. Deume moita carraxe perdermo porque a parte ves as fotos… A charanga…

A parte do Entroido, que vexo que o tes moi arraigado, que outra cousa botarías de menos de Galicia en xeral ou de Ourense en particular?

De Ourense quédome coas festas de Magostos e Entroidos, pero tamén boto moito de menos o feito de saír a tomar algo. O que dis: “Vou saír a tomar algo.” Pois iso aquí non o fago, aquí non hai. Aínda que houbese cos prezos que hai non o desfrutas. Boto de menos ir de pinchos, así.

Tamén, comer o polbo. Na miña casa comíase a miúdo os domingos polbo. E a empanada.

Non pretendo dar envexa, pero eu onte comín polbo coas súas correspondentes patacas.

Ai! Así esmagadas.

Ti es das de “as patacas esmagadas”?

Si, si.

Unha pregunta máis. Coñeceches algún galego ou algunha galega que estea tamén aí?

Non, non. De feito entereime fai dúas semanas de que había un español traballando aquí na uni tamén. Pero galegos sei que hai unha parella que saiu n’A Voz de Galicia que viñeron aquí e ao final acabaron fundando unha empresa. Son os únicos dos que temos constancia.

Quizais se enteran agora eles por Galicia Alive.

Si, si – di ilusionada. – Eu busquei Galegos en Auckland no FB, pero non hai. O que si hai é Españois en Auckland, Españois en Nueva Zelanda… pero galegos non. Aínda que seguro que os hai e moitos, hai un galego na Lúa.

Para rematar, ao igual que nos debates políticos, deixamos os últimos intres para que nos contes o que queiras. Ou como pasaría no Luar, saúda a quen queiras.

Vou a ser moi breve porque xa dixen todo o que tiña que dicir. O que quero é enviar saúdos como no Luar.

Si, como no Luar.

Quero enviar saúdos a miña familia, aos meu Amiwitos (que non amiguitos), aos meus amigos e sobretodo quero enviar un saúdo ao meu afillado que está aprendendo a ler e sei que lle fará ilusión.

Dende aquí faremos todo o posible para que lle chegue. Moitas gracias polo teu tempo.

A ti.

Nós - Candidatura Galega | Análise do programa electoral

Dende calquera televisión se pode obter información dos programas dos grandes partidos políticos. O máis difícil é atopar unha análise dos programas dos partidos que representan as autonomías do estado. Debido a isto dende Galicia Alive tentaremos facer un estudo dos partidos políticos unicamente galegos dende un punto de vista obxectivo: sacándolle posibles defectos, pedindo máis información nos puntos inconclusos e alabando as posibles iniciativas favorecedoras sen deixarnos por intereses partidistas.

Nesta entrada analizamos o programa electoral de Nós-CG que é unha agrupación política conformada por catro forzas:

  • BNG: Bloque Nacionalista Galego.
  • PCPG: Partido Comunista de Galicia
  • PG: Partido Galeguista.
  • CG: Coalición Galega.

Análise do programa

  • Soberanía

    Este partido ten unha visión de Galicia como unha nación e por iso alegan que se precisa unha representación propia nas Cortes. Deste xeito poderíanse incluír no parlamento español intereses e propostas galegas.

    Para lograr un mellor funcionamento de Galicia consideran necesaria a soberanía do territorio. Respaldan isto no dereito a autodeterminación das nacións e alegan a falta lexitimidade a Constitución do 1978 por proceder da ditadura.

    Tamén citan a perda de competencias das autonomías en prol do goberno español e da UE. As políticas que pretenden aprobar son as seguintes no eido da estrutura estatal e competencias de autonómicas:

    • Estado independente ou confederación.
    • Transferencia de competencias a Galicia:
      • Políticas de fomento de emprego e formación para adaptar o emprego a Galicia.
      • Marco galego de relacións laborais.
      • Xestión do réxime económico da Seguridade Social previsto no Estatuto de Autonomía.
      • Políticas de I+D+i.
      • Xestión das becas FPU
      • En relación co espazo radioeléctrico e concesión de licenzas de telecomunicación de ámbito autonómico.
      • Competencia das autoestradas AP-9 (Ferrol-Tui) e AP-53 (Santiago-Ourense)
      • Competencias de UNED, UIMP, Centro de Investigacións Científicas.
      • Xestión dos fondos públicos e as subvencións en materia de fomento deportivo e infrastutura deportiva galega.
      • TSXG máximo órgano xurisdicional.
    • Eliminar delegación e subdelagación do Goberno.
    • Supresión das deputacións provinciais.
  • Emprego e Xubilación

    • Loita pola equidade salarial en todo o Estado.
    • Derrogar as últimas reformas laborais.
    • Salirio máximo (10 veces superior ao salario medio do estado).
    • Aumento do emprego xuvenil.
    • Aumento salario mínimo.
    • Reducción de xornada a 35 horas semanais.
    • Aumento da cuantía por desemprego e Renda de Garantía por Desemprego para os parados de longa duración, ademáis de incluír aos Autónom@s e integrantes do Réxime Especial.
    • Suprimir ETT.
    • Rebaixas ás pequenas e medianas empresas, Mutuas de Previsión Social e cooperativas no tipo impositivo.
    • Aumentar o investimento en investigación ata chegar en 10 anos ao 3% e fomentar a I+D+i privada usando políticas fiscais.
    • Voltar a xubilación aos 65 anos ou 35 anos cotizados.
    • Revalorizar as pensión en función do IPC.
  • Educación

    • Aumentar as bolsas para a formación investigadora, duplicándose as axudas FPU.
    • Suprimir os artigos 3 (linguas) e 27 (educación) da Constitución.
    • Artículo 3
      1. El castellano es la lengua española oficial del Estado. Todos los españoles tienen el deber de conocerla y el derecho a usarla.
      2. Las demás lenguas españolas serán también oficiales en las respectivas Comunidades Autónomas de acuerdo con sus Estatutos.
      3. La riqueza de las distintas modalidades lingüísticas de España es un patrimonio cultural que será objeto de especial respeto y protección.
    • Artículo 27
      1. Todos tienen el derecho a la educación. Se reconoce la libertad de enseñanza.
      2. La educación tendrá por objeto el pleno desarrollo de la personalidad humana en el respeto a los principios democráticos de convivencia y a los derechos y libertades fundamentales.
      3. Los poderes públicos garantizan el derecho que asiste a los padres para que sus hijos reciban la formación religiosa y moral que esté de acuerdo con sus propias convicciones.
      4. La enseñanza básica es obligatoria y gratuita.
      5. Los poderes públicos garantizan el derecho de todos a la educación, mediante una programación general de la enseñanza, con participación efectiva de todos los sectores afectados y la creación de centros docentes.
      6. Se reconoce a las personas físicas y jurídicas la libertad de creación de centros docentes, dentro del respeto a los principios constitucionales.
      7. Los profesores, los padres y, en su caso, los alumnos intervendrán en el control y gestión de todos los centros sostenidos por la Administración con fondos públicos, en los términos que la ley establezca.
      8. Los poderes públicos inspeccionarán y homologarán el sistema educativo para garantizar el cumplimiento de las leyes.
      9. Los poderes públicos ayudarán a los centros docentes que reúnan los requisitos que la ley establezca.
      10. Se reconoce la autonomía de las Universidades, en los términos que la ley establezca.
  • Educación universal de 0 a 18 anos e obrigatoria de 3 a 18 anos.
  • Derrogar a LOMCE.
  • Eliminación dos concertos dos centros que segregan por sexo.
  • Ensino público, laico, gratuíto e coeducativo.
  • Conxelar taxas universitarias.

  • Sanidade, Xustiza e Vivenda

    • Eliminación copago.
    • Garantir o financiamento suficiente da sanidade pública.
    • Gratuidade dos medicamentos.
    • Devolución das preferentes e subordinadas.
    • Regrar as os incentivos desmedidos dos altos directivos do sector financeiro.
    • Establecer a lingua galega como de uso por defecto na Administración de Xustiza tanto nas resolucións trámites xudiciais como na relación cos e coas administradas.
    • Dación en pago.
    • Aluguer de vivendas de grandes propietarios e lexislacións dos prezos.
  • Natureza

    • Incentivar o uso de renovables, derrogando o imposto que afecta a estas.
    • Prohibir fracking.
    • Non ás novas plantas nucleares nin prórrogas das que xa existen.
    • Favorecer a creación de unidades produtoras de electricidade e cooperativas de consumo renovables.
    • Internalizar os custos ambientais nas actividades contaminantes.
    • Derrogar as reformas da Lei de Costas.
    • Seguimento para as capturas accidentais das especies mariñas ameazadas.
    • Demandar saneamento integral das rías galegas.
    • Demandar a xestión dun programa permanente de inspeccións e seguimento do estado e seguridade do vertedoiro con 140.00 toneladas de lixo nuclear na Fosa Atlántica a 600 km da costa galega.
    • Recoñecer a propiedade comunitaria do monte.
    • Incluír o eucalipto como especie invasora.
    • Prohibir todo tipo de acto de tortura contra os animais.
  • Loita contra o fraude

    Loita contra o fraude, economía soterrada, evasión en paraísos fiscais e sociedades pantalla.

    • Modificación lexislativa.
    • Incremento da inspección.
    • Regulación do sector financiero, supervisando con maior rigor entidades e axentes financieiros.
    • Eliminación da SICAV.
    • Modificar o tratamento penal para as persoas implicadas en casos de corrupción e afondar nas penas accesorias.
    • Loitar contra as portas xiratiorias e incompatibilidade de cargos.
    • Declaración de ingresos, bens e intereses dos cargos públicos.
    • Reformar a Lei de Contratos do Sector Público, o Boletín Oficial do Rexistro Mercantil e Orzamentos xerais.
    • Publicar orzamentos e gastos en prevención e extinción de incendios.
  • Liberdade, acción social e igualdade

    • Cancelar a reforma da Constitución española do artigo 135.
    • Derrogar a normativa da doutrina do “déficit cero”.
    • Defender a neutralidade da rede.
    • Revisar a lexislación sobre a protección e retención.
    • Restaurar o dereito á copia privada e á resdistribución de contidos dixitais.
    • Nova lei sobre consultas públicas.
    • Reforma da Iniciativa Lexislativa Popular.
    • Derrogar a “Lei Mordaza”.
    • Reforma de LOXP.
    • Modificar a lei antiterrorista.
    • Igualar os dereitos de proxenitores biolóxicos aos de proxenitores adoptantes.
    • Igualar a prestación económica nas baixas por enfermidade común durante o embarazo as prestacións por suspensión de contrato por risco para o embarazo.
    • Proporcionar unha renda durante os períodos de excedencia por coidado de fill@s.
    • Realizar unha avaliación rigorosa sobre a aplicación da Lei contra a violencia de xénero, a fin de adoptar as modificacións que sexan necesarias á vista da experiencia na súa aplicación.
    • Loita contra o maltrato á muller.
    • Apoio aos dereitos LGBTI (lesbianas, gays, bisexuais, transexuais e intersexuais.
  • Cultura e Deporte

    • Representación internacional das seleccións galegas.
    • Mellorar instalacións de tecnificación deportiva avanzada.
    • Deducións fiscais na sección de imposto sobre a renda para os gastos de deporte derivado prescrición terapéutica.
    • Expandir a cultura galega polo estado español.
    • Destinar o 1% cultural á conservación.
    • Dereitos lingüísticos no estado no seu uso e garantía de poder facelo.
    • Actualizar a toponimia e webs oficiais.
  • Informática, Comunicación e Política Exterior

    • Potenciar o software libre.
    • Garantía de TV pública independente e de calidade
    • Reformular as funcións das Forzas Armadas: só para defensa.
    • Revisar a política de venda de armamento.
    • Condenar a Marrocos pola ocupación do Sáhara Occidental.
    • Recoñecemento do Estado Palestino.
    • Disolución da OTAN.
  • Transporte

    • Demandar o remate das infraestruturas ferroviarias de alta velocidade.
    • Comisión de Investigación de Angrois.
    • Traspasar a Galicia os trens rexionais e de proximidade.
    • Mellora da A-8.
    • Transferir a Galicia a competencia das autoestradas AP-9 (Ferrol-Tui) e AP-53 (Santiago-Ourense).
  • Política territorial

    Cambio no modelo de estado a confederal ou estado galego independente. Dereito a autodeterminación. Ruptura democrática para que Galicia poida asumir a soberanía por medio dun proceso constituínte.

    • Dereitos das nacións dentro do estado español: deben ter os mesmos dereitos que calquera outro pobo libre no concerto mundial.
    • Mellor reparto do aportado dende o estado aos concellos debido a dispersión de poboación galega e avenllentamento. Tendo isto en conta para o reparto da Participación nos Ingresos do Estado (PIE).
    • Cambiar o fuso horario galego ao GMT 0.
  • Política económica

    Achagando máis quen máis ten e unha redistribución da riqueza máis xusta.

    • Políticas afastadas do neoliberalismo.
    • Contra o pago das perdas por parte da sociedade e a privatización das ganancias (rescate bancario).
    • Concerto económico.
    • Colocar intereses e propostas galegas.
    • SOBERANÍA POLÍTICA e SOBERANÍA ENERXÉTICA.
    • Invalidez da Constitución do 1978 por provir da dictadura.
    • Dereito á autodeterminación. Soberanía como algo indispensable. Loita contra a perda de competencias das autonomías en prol do goberno español e da UE.
    • Rebaixa do IVE:
      • 4% para bens e prestación de servizos ligados á cadea alimentaria, a cultura, a factura da luz e ós produtos de hixiene intíma.
      • 7% será o reducido.
      • 16%, no caso do xeral.
    • As empresas con actividades de explotación en Galicia mais domicilio social noutras comunidades terán que tributar en Galicia.
    • Novos tramos no IRPF. Maior esixencia ás rendas máis altas.
    • Para as Sociedades que superen os 100 millóns de euros aplicaráselles un 35%.
    • Pagamento das débedas dos clubes deportivos.
    • Tarifa eléctrica propia galega debido a ser excedentaria na produción eléctrica.
    • Favorecer a creación de unidades produtoras de electricidade e cooperativas de consumo.
    • Empresa pública galega en materia de enerxía.
    • Potenciar a Banca Pública e novas fórmulas de participación pública.
    • Participación nas accións da Banca logo das axudas e incluír a Taxa Tobin (grava transaccións especulativa).
  • Dúbidas

    Logo de ler todas estas propostas aparacen certas dúbidas que deberían ser aclaradas:

    • Economía
      • De onde se sacan os datos para afirmar: “un concello galego recibe de media 196 euros por habitante mentres que no cunxunto do Estado español a media ascende a 245€”?
      • Coméntase no programa no apartado de Política orzamentaria: “O estado central ten a responsabilidade de xestionear pouco máis do 50% do gasto público, mais reservase para si o 78’6%, nun claro exemplo de recentralización da estrutura do Estado.” Que quere dicir isto e como repercute n@s galeg@s?
    • Emprego
      • Ao derrogar as últimas reformas laborais, por que outro marco laboral se substituirá?
      • Como se fará o aumento do emprego xuvenil?
      • Retomar os 45 días por ano de servizo de indemnización por despido.
      • De onde se pretende financiar o aumento do emprego xuvenil, aumento salario mínimo e aumento do emprego xuvenil?
      • Con respecto a suprimir as ETT. Cal sería o substituto?
      • Coas políticas de ingreso lograríanse cubrir as políticas encamiñadas á sociedade?
      • Revalorizar as pensión en función do IPC. Como se as arcas están baleiras?
      • Eliminar a discriminación ou penalización existentes ás persoas empregadas a tempo parcial. Aumentar as pensións e igualalas ao salario mínimo. Salario de inserción laboral. Seguimos reiterando e cuestionando o método de financiamento.
      • Políticas de impulso renovables e de aforro enerxético: como (custos) e cales?
      • No programa escríbese: “Un 25% do aforro galego – 14.000 millóns de euros ao ano – emigra para apoiar investimentos fóra da Galiza”. De onde se recolle esta información e de que xeito pasa isto?
      • Potenciar Banca Pública e novas fórmulas de participación pública. Que custo tería isto?
      • Que quere dicir o recoñecemento dos dereitos sociolaborais a mariscadoras a pé e redeiras e o recoñecemento do dereito a votar por parte dos mariñeitos galegos embarcados nas frotas de altura e grande altura?
    • Sanidade
      • En sanidade o gran problema que vemos é a financiación ao igual noutros campos.
    • Cultura e Deporte
      • Para que serve permitir a liberdade de asociación das federacións a outras entidades?
    • Liberdade, acción social e igualdade
      • Non se comenta nada con respecto a unha minoría existente como son os homes maltratados. Pretende facerse?

    Despois de expoñer os puntos máis destacables do programa de Nós-CG e as dúbidas que nos xurden só recomendamos o de sempre: Le os programas e non deixes que chos conten!

    En Marea | Análise do programa electoral

    Dende calquera televisión se pode obter información dos programas dos grandes partidos políticos. O máis difícil é atopar unha análise dos programas dos partidos que representan as autonomías do estado. Debido a isto dende Galicia Alive tentaremos facer un estudo dos partidos políticos unicamente galegos dende un punto de vista obxectivo: sacándolle posibles defectos, pedindo máis información nos puntos inconclusos e alabando as posibles iniciativas favorecedoras sen deixarnos levar por intereses partidistas.

    Nesta publicación expoñeremos algúns puntos importantes do programa de En Marea. Non nos adentraremos demasiado xa que o seu programa é sinxelo de ler e moi curto. Podedes descargar o seu programa en versión pdf pinchando aquí. Sen entrar en orientacións políticas, ler o programa de En Marea é un bo xeito de adentrarte no costume de coñecer os programas electorais de primeira man. Dende Galicia Alive sempre dicimos “Non deixes que cho conten” e continuamos abogando por esta metodoloxía. Esta nova agrupación política está conformada por tres forzas:

    • Anova: formación política galega.
    • Podemos: é un partido político español fundado en xaneiro de 2014.
    • EU: Esquerda Unida.

    Análise do programa

    Cómo xa se dixo este é un programa fácil de ler debido a súa esquematización dos puntos e propostas. Debido a isto, simplecidade e esquematización, as súas propostas son demasiado abertas e inconcretas. Ben sabido é que isto tanto é algo inhabitual nos programas electorais.

    Este programa comparte moito co outro programa propiamente galego de Nós-CG. Sen embargo este partido non promulga en ningún caso a independencia de Galicia, aínda que si reclama o seu recoñecemento como nación dentro do Estado.

    Propón un gran número de políticas sociais tanto en participación política, liberdades e no ámbito laboral. Optan por unha sanidade, educación e enerxía pública. Neste último aspecto optan polo autoconsumo e en contraposición co programa de Nós-CG non expoñen unha facturación propia para Galicia. Algo salientable tamén, pensando nos grupos minoritarios, é a proposición da Lei Celíaca, da que non dan ningunha información adicional (se estades interesados pinchade aquí para ver unha aplicación desta lei en Arxentina). Económicamente propoñen a creación dunha Banca pública de caracter ético (Banca ética).
    Outras medidas que pretenden levar a cabo son a paralización da A57 e a saída de ENCE da Ría de Pontevedra. Como medidas estranxeiría teñen, entre outras, as seguintes propostas: erradicación voos de deportación e creación dunha lei de acollida e convivencia intercultural. Plantean tamén a lexislación do uso do cannabis.
    No eido da xustiza é a loita contra a corrupción aspiran a creación e toma de numerosas medidas aínda que sen entrar en detalle.

    Para resumir, as medidas que pretenden tomar son principalmente sociais e do amparo do público. Pero coma sempre non hai mellor persoa para evaluar as cousas ca un mesmo e con este curto programa non hai escusas.

    Eleccións Xerais 2015

    Aparentemente a sociedade está dividida no tema da política. Non só a nivel de ideais, senón no xeito de abordarla. Moitos consideran a política un estigma, outros o que move a sociedade e, finalmente, os indecisos que bailan entre as dúas.

    Dende a miña visión, a política debe ser tomada con moderación e visión aberta. Ao longo da vida a percepción da realidade cambia. Cantas veces cambiamos de opinión logo de que algo acontecese? Debido a isto non me gustaría que a xente fose a votar sen coñecer as opción de voto que teñen, sería estupendo deixar de votar por sistema e facelo con senso. Aquí están recopiladas todas as forzas póliticas e os enlaces ás súas páxinas das opcións políticas de Galicia para as Eleccións Xerais do 20 de decembro, para que sexas TI o que te informes e non sexan os interesados os que che vendan fume.

    Considero que a política debe importarnos na medida na que nos afecta. Por iso votemos, non votemos ou a quen votemos debe estar respaldada por un razoamento sensato. Espero que isto sexa útil.

    • C’s: Ciudadanos é unha forza nova que en Galicia non deu polo de agora unha sorpresa a nivel de número de votos. Non ten páxina web propia para Galicia nin tampouco o nome.
    • En Marea: esta nova agrupación política está conformada por tres forzas:
      • Anova: formación política galega.
      • Podemos: é un partido político español fundado en xaneiro de 2014.
      • EU: Esquerda Unida.
    • Nós-CG: é unha agrupación política conformada por catro forzas:
      • BNG: Bloque Nacionalista Galego.
      • PCPG: Partido Comunista de Galicia
      • PG: Partido Galeguista.
      • CG: Coalición Galega.
    • Ourense pola esquerda: Non atopei información con respecto a este partido.
    • PACMA: Partido Contra el Maltrato Animal, non ten páxina en galego.
    • PCPE: Partido Comunista de los Pueblos de España.
    • PP: o Partido Popular é unha das formacións máis asentadas en Galicia, a súa de representación dentro de Galicia é PPdeG.
    • PSOE: o Partido Socialista Obrero Español coa súa delegación Galega, PSdeG foi un dos partidos que gobernou en Galicia dende a democracia.
    • PT: Partido da Terra é un partido que se autodefine como unha mancomunidade de organizacións políticas parroquiais e comarcais orientada para a realización de autogoberno asamblear e da utosuficiencia rural.
    • SAIN: Partido de la Solidaridad y Autogestión Internacionalista.
    • VOX: segundo eles se define é un proxecto pólitico para a renovación e o fortalecemento da vida democrática española.
    • Recortes Cero – Grupo Verde: composto por:
      • Recortes Cero: Agrupación asamblearia en prol da cidadanía.
      • Grupo Verde: é un partido ecoloxista con máis de vinte anos de vida. Non se atopou delegación propia en Galicia.
    • UPyD: Unión Progreso y Democracia, aparentemente non ten delegación alomenos en forma de páxina web e no que a nome se refire, entrou en Galicia sen demasiada forza hai uns anos.

    Se queredes saber se podedes votar ou non a estes grupos políticos en función da provincia pinchade aquí para ler o artigo de Praza Pública e coñecer o reparto de forzas.