Monoulious DOP - Estou Xenial

Hoxe puxen a miña primeira lavadora
e o tirar da cadea desapareceume a roupa

Hoxe fun o medico por primeira vez
e cando lle pedín a conta invitoume o café, que majo é!

Estou xenial xa non tomo anti depresivos
estou moi ben, xa fago vida 
normal
e caca tamén e caldo tamén

Estou xenial xa non tomo pastillas,
xa as gomitei, cada día vou mellor,
xa 
che olvidei…

Hoxe fun a bailar
e quedei de terceiro na carreira popular! Bailei xenial

Fun a praia e pesquei un xabarín!!
Encantoume estar nas ramblas
que bonito e Madrid, claro que sí!

Estou xenial xa non tomo anti depresivos
estou moi ben, xa fago vida 
normal
e caca tamén e caldo tamén

Estou xenial xa non tomo pastillas,
xa as gomitei, cada día vou mellor,
xa 
che olvidei…

Pero quéroche moito!!

Estou xenial!!

Monoulious DOP - Os bos tempos

 

 

Acordaste cando eramos pequenos,
aquela festa na iglesia da parroquia,
aquel señor que nos deixaba desnudos,
aquela nena ca que xogaba a escuras

Recordo todo non me lembro de nada,
borrachera na casa de tamara,
tumbados antre o millo,
donde as estrelas nos iluminaban

Íbamos a plaia nas bicis,
con cadansua titi,
a min gustabame Alba, e a ti?
a min gustabame todas
E despois esperar no canselo,
cun par de juevos esperando un morreo,
que buena estaba
a nai de Rafa

Fasemonos mais juapos e mais vellos
e facendo memoria, mais pequenos.
Fasemonos mais juapos e mais vellos
e cos bos tempos, mais pequenos

O colexio pasamolo voando,
os verans non duraban nada,
non había tecnoloxia,
había imaxinacion

Fasemonos mais vellos co tempo
que fumando tabaco nejro,
fuma fuma fuma, oh oh,
non fumes

A vida é fantástica cando tes oito, nove ou dez…
anos, amigos ou mozas, que nadie che berre por saltar nas posas
Deixemos a morriña, falemos do importante, pero que buena estaba su puta madre

chorus
Fasemonos mais juapos e mais vellos
e facendo memoria, mais pequenos.
Fasemonos mais juapos e mais vellos
e cos bos tempos, mais pequenos.

Ca verjonsa non contabas nunca nos teus plans

E ahora que? E ahora que? Ahora das pein, moita pein

chorus

Fasemonos mais juapos e mais vellos
e cos bos tempos, mais pequenos. x2

A Misión Espacial Galega

Dende Galicia Alive recollemos a idea que Gadis e queremos levala a cabo.

O último anuncio de Gadis chegounos, coma sempre, ao fibra sensible. Tirando de país, tirando de morriña e tirando de tradición como en todos os anuncios dende os 10 últimos anos.

Coma sempre fainos valorar o noso, pero tamén nos dá ideas. Queremos montar a M.E.G. e para iso creamos a páxina en Facebook:

https://www.facebook.com/misionespacialgalega

E se non funciona pois unha aeroliña, aínda que MALO SERÁ!!!

Axúdanos a seguir escribindo mercando algún destes artigos de Amazon ou mercando algo a partir dos links, só se o precisas.

Entrevista a Tele Jaita

Galicia Alive adéntrase no audiovisual da man da Tele Jaita. Esta canle de Youtube de humor, un tanto salvaxe ás veces,  ten moito que ofrecernos e Galicia Alive quere ser testigo dos seus comezos.

Bos días e benvidos!

Oli

Primeiramente para a xente que non vos coñeza. Que é a Tele Jaita?

Unha canle de Youtube na que facemos doblaxes humorísticas. Amparados no anonimato decimos as animaladas máis grandes que se nos ocorren, coma Twitter pero en vídeo.

Como xurdiu a idea de crear esta canle?14256348_1575850196057426_1670122389_n

Un día que taba o Relax pechado e dixemos:  – Agora que facemos toda a tarde?
E como a pera xa a tiñamos feita dounos por facer un video, fíxonos gracia e dixemos: “Vámolo subir a Youtube para pasarllo ós colegas. E ao final, collémoslle o vicio.

Estaredes máis que fartos de contalo, pero de onde xurde o nome?

Pois nunca nolo preguntaron… pero si que toca os collóns. É una especie de homenaxe porque de toda a vida de maneira ofensiva, sobretodo os casteláns falantes, para decir que a TVG é unha merda, referíanse a ela como “La Tele Gaita”. Aínda que moitas cousas dan pena témolo pasado moi ben véndolle Son Goku, Shin Chan, Arale, Pratos Combinados, Matalobos… E como reivindicación a eses bos momentos e para meternos cos que só saben criticar. Foi iso o que o primeiro que se nos ocorreu.

De onde vos aparecen as ideas?

Ás veces ves un vídeo e dis “hostia, aí molaba que dixera tal cousa”. Outras veces falando cos amigos que están contando algo e cres que sería estupendo para un vídeo. E finalmente outras, simplemente, queres revelar as verdades que ninguén se atreve a decir. Agora mesmo, aínda que pareza o contrario, é cando menos liberdade se ten en calquera cousa que se diga. Pase na tele ou en internet, faise viral e internet xa arde. Á xente todo lle molesta e na nosa canle pasamos diso e decimos as animaladas que vemos que a xente queda con ganas de decir porque se se entende que e en broma non hai porque ofenderse.

Onde podemos atopar a Tele Jaita? Cales son as redes sociais nas que estades e cal é a vosa web?

Estamos en Youtube https://www.youtube.com/channel/UCu0BGblaB48RDKdxKosxulw
e en Facebook https://www.facebook.com/telejaita/

Pero o certo é que só subimos os videos, non somos moi activos nas redes socias nin temos páxina web. Iso dá moito choio e nos só queremos botarnos unhas risas.

Cal é o voso obxectivo?

A permanencia e se despois podemos picar Europa mellor – risas. –  Seguir facendo vídeos que nos fagan gracia a nós para rirnos e se chegan a outra xente e tamén o pasan ben a conta das nosas merdas pois mellor que mellor.

 Cales son os próximos proxectos? Podedes darnos algún avance

Facer máis dobraxes de series e películas míticas e deixar descansar un pouco a Pepe da Cocha e o seu Telefriario, aínda que o seguiremos traendo. Témoslle moito cariño.

Xa para ir rematando, gustaríanos que os últimos instantes fosen para que digades o que queirades. Sen censura.

Animar á xente a que se pase pola canle que igual se bota unhas risas e senón que nolo fagan saber tamén, de todo se aprende. Sobretodo queriamos aproveitar esta entrevista para agradecerlle a Youtube por non dar a opción de cobrar por facer videos en galego. Non o fixemos con esa intención, nin temos as visitas suficientes para cobrar, pero que no ano 2016 os galegos nos sigan facendo de menos toca un pouco os collóns. Así que un abrazo moi forte para eles.

Tomamos nota e reportaremos isto a Youtube. Un pracer e moitas gracias!

Gracias a ti e non olvides comentar, darlle a like e subscribirte. Tes que perdonar deformación profesional de Youtube.

 

 

 

 

 

Entrevista a Monoulious DOP

A banda galega, coñecida polos seus peculiares e desenfadados videoclips, concédelle a Galicia Alive a oportunidade de compartir uns momentos con eles. Un estilo desenfadado e retranqueiro que non perden nen nas entrevistas. Aproveitamos este tempo con Mon e Ula para conversar dos seus novos proxectos e dos próximos obxectivos que teñen na súa mente.

Bo día, espera que me visto e vou, que me pillas en gallales. O que veñen sendo calzóns.

Primeiramente. agora que xa estades vestidos, gustaríanos que vos presentarades para os que aínda non vos coñecen. Quen forma a banda?

Pois Mira, somos Mon, Ula, Carba, Beny e Torroncho. E cando algún de nós falla por motivos de causa maior ou simplemente porque non lle apetece vir ese día, pois chamamos a Ana, Lucía ou a Seve. Son, digamos, suplentes, pois aínda non se gañaron de todo a confianza do míster, pero grandísimas músicas de tódolos xeitos.

IMG-20160825-WA0012

Que roles tedes dentro do grupo?

Somos unha asociación autónoma de persoas  unidas voluntariamente para formar unha organización democrática en forma de banda musical cuxa administración e xestión debe levarse a cabo da forma que acorden os músicos, xeralmente no contexto da combinación dos sons co tempo e das relación sociais e humanas de/con eles mesmos.

Se non entendeches nada… haber estudiao

Supoño que estades afeitos a que volo pregunten, pero de onde procede o nome Monoulious DOP? Principalmente a segunda parte.

Rapidamente, que teño que ir comer… é una fusión dos nosos nomes no momento que nos puxemos a ver a grandiosa película de Jack BlackTenacious D, the pick of destiny” e o de DOP, todo o mundo sabe o que significa: Denominación de Orixe Protexida.

A verdade é que é complexo clasificarvos nun estilo musical. Vós en cal vos metedes?

O estilo… – cavila durante un longo tempo – Nós chamámoslle Golden Broza. Unha traducción literal deste estilo inventado por nos viría sendo algo así como: Merda de ouro.

Tamén sabemos que Monoulious DOP comezou sendo un dúo pero hoxe en día xa formades unha banda. Como vos coñecestes?

2005. Compostela. Nun de tantos botellóns que faciamos no Campillo cos colega. Pero nos limpábamos, eh! Non como a rapazada de hoxe en día…nin con ecovaso facemos bó deles….

 

Unha pregunta obrigada cando se  entrevista a un grupo musical: que tal vos levades?

Xenial, aínda hoxe nos deron a alta no hospital despois da bronca do último ensaio. Coma novos!

Galicia Alive, enterouse de que estivestes fai pouco gravando en estudo? Tiñades todo claro ao entrar no estudio ou fostes probando?

Realmente cando nos dixeron que íbamos ir ó estudo, pensamos que Estudo era unha localidade de Portugal e todo o que sexa viaxar encántanos. Todo o que sexa saír desta isla parécenos perfecto.

Cal foi a intención de meterse en estudo?

A intención foi gravar uns temas para facer uns vídeos, pero quedouse só niso, en intención. Realmente o noso técnico meteunos en estudio para limpar toda a cacharrada da festa do día anterior.

Agora que estamos no verán e aquí en Galicia hai máis dunha festa por día, Monoulious DOP ten a súa axenda moi apretada?

Este verán estamos comezando coa banda e tivemos unha axenda relaxada…pero o verán que vén temos pensado comernos todo o puto catering dos camerinos dos festis máis ghrandes da Galiza!!!

IMG-20160825-WA0004

Tedes dous tipos de concertos. Nos que Ula e Mon están os dous sos fronte ao público, ou máis ben deleitan ao público, e os que estades en grupo. Con cal vos quedades?

Cos dous. Son dous formatos diferentes que queremos por igual e como nos ensinaron que na variedade está o ghusto pois facémolo deste xeito…Tamén nos ensinaron que hai gustos que merecen paus…Ojo!

 

Agora xa fai tempo que non vemos un dos vosos videoclips. Hai algún xa pensado?

Hai moito pensado, só falta levalos a cabo. Pero pronto teredes noticias.

E para rematar, dádenos algunha exclusiva. Contádenos que proxecto tedes en mente.

Surprise!!!!IMG-20160825-WA0006

Agora si, os últimos minutos son para vós, para que nos contedes todo o que queirades contar.

Pois mira, vou citar un texto do meu avó que sempre me chamou moito a atención, e ainda que fose un home de poucas palabras creo que leva moita razón:

“…” – garda silencio durante un anaco.

Pois con estas sabias palabras despedímonos. Moitas grazas!

Gracias a vós!

 

 

 

Detrás das risas: Pepe Mansilla

Chámome Pepe Mansilla, conto con 27 anos de vida e levo desde que teño uso de razón dándolle o lapis, tanto para escribir como para debuxar. Así se nos presenta Pepe Mansilla. Este coñecido humorista gráfico destaca polo seu inxenio e capacidade de representar a realidade, desvirtuándoa con moito humor.

autor_pepe_mansilla_galicia_alive

Na súa época de estudante universitario, comezou a súa colaboración nos dous portais polos que é máis coñecido: en menor grao, o seu blog persoal Mansilla que te pilla onde sempre falou das teimas que tiña nese momento, sen ningún tipo de límites; e despois a sección La viñeta turka na web de información do Deportivo d’A Coruña en riazor.org. Sen dúbida, esta última é a obra pola que máis se lle coñece.

A parte destes dous piares, este xenio do humor participou en diversos concursos e colaborou en distintas publicacións e fanzines: ‘Esplasbac’ editado por Kike Benlloch, ‘Enchufados’ dirixido por Euler Canal e a publicación autoeditada chamada eres ‘Eres Tonto’. Ademais, tivo unha tira online en galego sobre o paro chamada ‘Paradiños’. Entre as últimas creacións de historietas atópase ‘Degeneración democrática’ que versa sobre a campaña electoral do 20 decembro de 2015. Tamén dentro do mesmo eido publicou recentemente ‘As Tartarugas tamén votan’. Como reto persoal participou en Angouleme, onde debía de facer un cómic de 24 páxinas en 24 horas. Podedes ver o resultado aquí

Cando lle preguntamos por que debuxa a súa resposta é sincera e contundente: Debuxo porque é o que máis me gusta. Gustaríame facelo máis e mellor, pero ás veces dedicarse ás profesións artísticas remata por ser un can que se morde a cola: inicias por hobby e coa única pretensión de disfrutar, pero cando pretendes vivir diso se ti mesmo non valoras esa afección como un traballo, é moi dificil que a xente que lle quita valor e non o ve coma un traballo real, cambie de idea. E tes que buscar un traballo doutra rama para subsistir, e cando tes a sorte de atopalo, non podes dedicar tanto tempo a esa faceta creativa. Obviamente, isto non sucede con todos os artistas ou autores e cada un pelexa e insiste como pode, pero é un dos casos que suceden cos que non damos atopado o noso oco.

Dos seus próximos proxectos no que está traballando actualmente é a publicación dunha historieta en formato fanzine da que teremos máis información próximamente. Aínda que nos adianta que a publicación deste podería chegar durante este verán. Ten outros moitos proxectos pero segundo palabras textuais súas agardan o seu momento para saír.

Podedes descubri máis del en http://www.pepemansilla.es e así botarvos unhas risas.

pepe_mansilla_galicia_alive