Patricia, maternidade e crianza vivencial

A crianza, o aleitamento, o colo, os partos… todo sobre a maternidade e as vivencias dunha crianza son o tema que imos tocar con Patricia.

Bos días, Patricia, que tal? Hoxe estamos realmente contentos porque imos tratar un tema completamente novo para nós. Ademais temos motivos para estar ledos, porque o faremos de man dunha amiga.

Galicia Alive, Maternidad y crianza vivencial

Patricia de Maternidad y crianza vivencial

Primeiramente, unha dúbida persoal. De onde saca o tempo unha enxeñeira para dedicarse ao mundo bloguer, e tendo a maiores unha familia que coidar? Vamos o que quería preguntar é como xurde a idea?

Empezo dende o principio, alá polo 2015 din a luz á miña segunda filla e ós 15 dias finalizou o meu contrato laboral. Vamos, que se xuntou unha boa! Paseino moi mal unha tempada. Eu levaba 5 anos na empresa e case 10 traballando no naval, así que sentinme bastante mal.

Pouco despois cruzouse na miña vida e na miña maternidade Marisol, unha matrona que é todo bondade, e fíxome ver que era a oportunidade perfecta para criar ós meus fillos como eu realmente quería, estando presente nas súas vidas.

Eu xa levaba ano e medio axudando a outras nais cos seus aleitamentos e, a raíz diso, empecei a formarme en todo aquilo que era interesante para min e co que eu podía axudar, porque realmente me sentía ben axudando.

Con esta idea de axudar, xurdiu o blog, poder chegar a mais nais, e que a miña axuda fora mais efectiva.

Como empezaches a escribilo?

A través dunha amiga coñecín unha persoa que me podía axudar a iniciar ese soño e aquí estou agora. Asesorando nais en aleitamento, crianza, cueiros de tela e outras moitas cousas:

De que falas no teu blog? E como chegamos a el?

No meu blog podedes atopar información sobre maternidade, crianza e plans en familia. Nos meus posts sempre apunto situacións persoais que vou superando. Ademais toda a información segue unha liña clara: o respecto cara os nenos e as recomendacións en base a OMS (Organización Mundial da Saúde).

maternidadycrianzavivencial.com

Con que frecuencia escribes? Compaxínalo con outras redes sociais? Cales?

Pois escribo dous ou tres post á semana no meu blog, pero ademais tamén escribo semanalmente para outro blog (masde3.com). Aquí falo fundamentalmente de crianza. Se non coñecedes o blog pasade a velo, fala en gran medida das familias numerosas e ademais dispón dunha app onde as familias numerosas podemos atopar empresas que nos fan descontos, pois a cousa esta difícil para todos, pero cando un ten varios fillos ou é nai solteira aínda máis.

Tamén traballo outras redes como son a miña fanpage maternidad y crianza vivencial onde xa teño cerca de 600 seguidores e mais un grupo só de mulleres para medrar xuntas na maternidade .

Por outro lado no meu instagram mostro o meu día a día en familia e interactúo moito cos meus case 3000 seguidores. Alí subo vídeos no story explicando como afrontarse a temas de cotío que ós pais nos costa enfrontar coa calma que había noutros tempos. Tamén teño unha sección de desterro de mitos que gusta moito.

Uso o pinterest e google+ – ri – pasei a ser unha nai 2.0 en cuestión de pouco tempo!!!

Agora que xa coñecemos o teu blog, como xurdiu ese nome?

O nome tiña claro que debía falar de “maternidade e crianza”, pois é o meu punto forte, o que mais me gusta e onde me sinto plena axudando. A parte de “vivencial” provén do meu interior, pois eu sinto que vivo cada unha das etapas da miña maternidade e gustaríame que outras nais tamén se lancen a vivir cada momento, pois o tempo voa!!!

Apórtache algo a nivel persoal? Notas que lle estás axudando a moitas mamás ou papás?

O blog dáme unha fiestra ó mundo exterior, a ser mais tolerante coas decisións doutras familias e isto faime sentir moi ben.

Por outro lado, sinto que estou axudando a moitas persoas no meu camiño. Incluso me estou atopando con persoas que me fan ¡recoñecementos públicos! Isto é un dos motivos mais grandes polos que seguir co meu traballo: poder facilitarlle a vida a moitas familias.

Tes algunha blogueira favorita? Con este tema ou outro?

Que pregunta mais difícil… a verdade e que teño moitas blogueiras favoritas, pero neste momento case todos son referidos a temas de crianza ou maternidade.

Encántame o traballo de Azucena Caballero e Mireia Long nos temas educativos coa Pedagogia Blanca, e na falta que fai cambiar o sistema educativo tradicional por un que trate a cada neno individualmente.

Miriam Tirado é a caña explicando temas maternais con moitísimo humor.

O blog de Aguamarina, de mi casa para el mundo, é unha visión da pedagoxía waldorf que me ten namorada.

Podería seguir – ri – pero non acabaría máis!!!

En Galicia Alive temos unha sección de preguntas encadeadas. Ti recibes unha pregunta do noso anterior Galego Alive, Manu, que nola manda dende Vigo e despois debes deixarnos unha para o seguinte convidado:

A súa pregunta: Es unha persoa activa no ámbito deportivo? En que medida afecta, sexa de maneira positvia ou negativa, a túa calidade de vida e ás túas emocións?

Pois imos a alá… dende que teño nenos, levo a casa e dou saída ó meu emprendemento. O deporte que practico son os patíns, baixada de tobogán e algo de bici…- ri – sempre acompañada dos cativos. Así que non che son moi activa… salvo polas 10 lavadoras que poño á semana.

A miña pregunta para o seguinte invitado é: que opinas do sistema educativo actual? Está preparado para asistir a calquera tipo de neno?

Moitas gracias polo teu tempo.

Quérome despedir enviandovos unha apreta infinita dende Asturias, a miña residencia actual, e darvos as gracias por pensar en min para esta entrevista.

 

A discapacidade invisible

“…”, “Silencios”, ”…”. Vivir entre silencios. Fai uns días Galicia Alive percatouse da realidade que existe con respecto ás persoas que viven a súa vida así, entre silencios. Dende o momento que nos adentramos nas oficinas de acoprosACOPROS, foi unha continua aprendizaxe. Serviunos para aprender sobre esta discapacidade que pasa tan desapercibida, tanto que se coñece como a discapacidade invisible. Ao longo deste artigo poderedes descubrir moitas curiosidades da discapacidade auditiva.

ACOPROS é unha asociación que pertence ao grupo que conforma FIAPAS, a Confederación Española de Familias de Personas Sordas. Dentro das agrupacións que se adican a proporcionar axuda a persoas con discapacidade auditiva podemos diferenciar dous tipos. Por un lado temos FIAPAS, o caso de ACOPROS, e por outro a Confederación Estatal de Personas Sordas. Entre elas existen diferencias con respecto do enfoque da ensinanza e aos servicios a proporcionar.

As actividades de ACOPROS céntranse nas familias das persoas xordas. Tamén complementan as súas axudas no eido da tecnoloxía. Ademais proporcionan servizos de integración laboral en empresa ordinaria, logopedia, atención psicolóxica e unha interesante forma de axuda que é coñecer as vivencias doutros pais que viviron casos similares: de pai a pai. As familias sinten así un acompañamento durante todo o proceso.

A pesar do que a maior parte da xente cre, case todos xordos se comunican falando. Evidentemente existen distintos tipos de xordeira co que isto se complica en algúns casos. Imos tentar acabar con este descoñecemento buscando respostas ás seguintes preguntas.

Cando e para que xurde a asociación?

Xorde nos anos 70 por iniciativa dunhas familias para loitar polos dereitos e intereses de persoas con D.A.

Que eventos ou actividades de concienciación se realizan?

A asociación céntrase na sensibilización política e empresarial de forma continuada, sempre con total independencia política. Tamén facemos campañas de sensibilización e tertulias nos colexios e gardarías, facendo especial fincapé no diagnóstico precoz. Nestas actividades contamos con axuda do voluntariado local.

Cales serán as actividades nos vindeiros meses?

Algunhas actividades que xa están previstas son unha ruta de sendeirismo e, coma sempre facemos, talleres informativos para as familias da asociación.

Existe unha linguaxe de signos galega? Está esta incluída no Estatuto?

Este erro que acabas de cometer é bastante habitual. Non é unha linguaxe, é unha lingua en si mesma. No caso do galego, non existe unha lingua oficialmente coma tal, pero os signantes galegos teñen un xeito de signar diferente. Aínda que a oficialidade non se acadou polo de agora.

Que consellos lle darían aos país que se atopan esta dificultade engadida ao feito de ser pais?

Pois que acudan aos movementos asociativos debido a especialización e a experiencia. A experiencia é un grado e dende a nosa podemos axudalos.

E a unha persoa, adulta ou non, que perde a audición?

Exactamente os mesmos. Acudir a movementos asociativos para pedir consello.

Como é a situación de Galicia con respecto ao tema discapacidade auditiva?

No caso de Galicia a proba auditiva realízase a todos os recén nacidos (screening neonatal), o cal é un avance importante para a identificación. Evidentemente queda moito por lograr.

Esperamos dende Galicia Alive que estas verbas se cheguen a todos os oídos e ollos para facer da nosa labor algo útil. Gracias a ACOPROS por facer desta discapacidade algo menos invisible.

acopros2

 

Entrevista a Monoulious DOP

A banda galega, coñecida polos seus peculiares e desenfadados videoclips, concédelle a Galicia Alive a oportunidade de compartir uns momentos con eles. Un estilo desenfadado e retranqueiro que non perden nen nas entrevistas. Aproveitamos este tempo con Mon e Ula para conversar dos seus novos proxectos e dos próximos obxectivos que teñen na súa mente.

Bo día, espera que me visto e vou, que me pillas en gallales. O que veñen sendo calzóns.

Primeiramente. agora que xa estades vestidos, gustaríanos que vos presentarades para os que aínda non vos coñecen. Quen forma a banda?

Pois Mira, somos Mon, Ula, Carba, Beny e Torroncho. E cando algún de nós falla por motivos de causa maior ou simplemente porque non lle apetece vir ese día, pois chamamos a Ana, Lucía ou a Seve. Son, digamos, suplentes, pois aínda non se gañaron de todo a confianza do míster, pero grandísimas músicas de tódolos xeitos.

IMG-20160825-WA0012

Que roles tedes dentro do grupo?

Somos unha asociación autónoma de persoas  unidas voluntariamente para formar unha organización democrática en forma de banda musical cuxa administración e xestión debe levarse a cabo da forma que acorden os músicos, xeralmente no contexto da combinación dos sons co tempo e das relación sociais e humanas de/con eles mesmos.

Se non entendeches nada… haber estudiao

Supoño que estades afeitos a que volo pregunten, pero de onde procede o nome Monoulious DOP? Principalmente a segunda parte.

Rapidamente, que teño que ir comer… é una fusión dos nosos nomes no momento que nos puxemos a ver a grandiosa película de Jack BlackTenacious D, the pick of destiny” e o de DOP, todo o mundo sabe o que significa: Denominación de Orixe Protexida.

A verdade é que é complexo clasificarvos nun estilo musical. Vós en cal vos metedes?

O estilo… – cavila durante un longo tempo – Nós chamámoslle Golden Broza. Unha traducción literal deste estilo inventado por nos viría sendo algo así como: Merda de ouro.

Tamén sabemos que Monoulious DOP comezou sendo un dúo pero hoxe en día xa formades unha banda. Como vos coñecestes?

2005. Compostela. Nun de tantos botellóns que faciamos no Campillo cos colega. Pero nos limpábamos, eh! Non como a rapazada de hoxe en día…nin con ecovaso facemos bó deles….

 

Unha pregunta obrigada cando se  entrevista a un grupo musical: que tal vos levades?

Xenial, aínda hoxe nos deron a alta no hospital despois da bronca do último ensaio. Coma novos!

Galicia Alive, enterouse de que estivestes fai pouco gravando en estudo? Tiñades todo claro ao entrar no estudio ou fostes probando?

Realmente cando nos dixeron que íbamos ir ó estudo, pensamos que Estudo era unha localidade de Portugal e todo o que sexa viaxar encántanos. Todo o que sexa saír desta isla parécenos perfecto.

Cal foi a intención de meterse en estudo?

A intención foi gravar uns temas para facer uns vídeos, pero quedouse só niso, en intención. Realmente o noso técnico meteunos en estudio para limpar toda a cacharrada da festa do día anterior.

Agora que estamos no verán e aquí en Galicia hai máis dunha festa por día, Monoulious DOP ten a súa axenda moi apretada?

Este verán estamos comezando coa banda e tivemos unha axenda relaxada…pero o verán que vén temos pensado comernos todo o puto catering dos camerinos dos festis máis ghrandes da Galiza!!!

IMG-20160825-WA0004

Tedes dous tipos de concertos. Nos que Ula e Mon están os dous sos fronte ao público, ou máis ben deleitan ao público, e os que estades en grupo. Con cal vos quedades?

Cos dous. Son dous formatos diferentes que queremos por igual e como nos ensinaron que na variedade está o ghusto pois facémolo deste xeito…Tamén nos ensinaron que hai gustos que merecen paus…Ojo!

 

Agora xa fai tempo que non vemos un dos vosos videoclips. Hai algún xa pensado?

Hai moito pensado, só falta levalos a cabo. Pero pronto teredes noticias.

E para rematar, dádenos algunha exclusiva. Contádenos que proxecto tedes en mente.

Surprise!!!!IMG-20160825-WA0006

Agora si, os últimos minutos son para vós, para que nos contedes todo o que queirades contar.

Pois mira, vou citar un texto do meu avó que sempre me chamou moito a atención, e ainda que fose un home de poucas palabras creo que leva moita razón:

“…” – garda silencio durante un anaco.

Pois con estas sabias palabras despedímonos. Moitas grazas!

Gracias a vós!

 

 

 

A moda á moda. Entrevista a Anouckinha

Enxeñeira de profesión, estilista de corazón, romántica de excepción, soñadora por vocación, Adriana é ademais dunha Fashion Blogger moi activa, unha persona que se adica ao mundo da enxeñería

13173144_647466265407220_9070532550695174907_o

Galicia Alive quere agradecerlle de ante man o atenta que foi Anouckinha con nós.

Cando decides crear o teu blog e por que?

Pois foi un pouco por casualidade. Sempre me gustou moito a moda, todo o que ten que ver cos estilismos e demáis. Fai uns 7 anos comecei a participar nun foro de moda no que se daban consellos, se compartían ideas de estilismos etc. Alí foi donde os participantes me animaron a crear un blog. Era o ano 2009 e o dos blogs non era un tema moi coñecido, así que comecei como unha maneira de darlle saída a todas esas inquedanzas que tiña e no 2011 comecei a profesionalizalo un pouco máis, pero sempre como iso, coma un hobbie e un entretemento para min e para calquera que se asome a esa pequeniña ventá.

http://anouckinhascloset.blogspot.com.es/

 

Falas sobre todo o que ten que ver coa a moda e as tendencias. En que te inspiras á hora de escribir?

Realmente a inspiración que utilizo é a miña visión da moda e o meu día a día, as dudas que me xorden e que seguro que tamén lle xorden ó resto da xente . Sempre crin que a moda realmente está na rúa porque o que se ve nas pasarelas é irreal. A xente da rúa busca ideas para o seu día a día e niso é no que me inspiro, nas necesidades da xente real.

 

Ademáis vimos que tes unha sección de vídeo en youtube. Que podemos encontrar nela?

Comecei a sección en youtube realmente para dar saída a moitas das preguntas que me chegaban por email e que non era capaz de contestar nun só post no blog. A idea é contestar a todas esas dúbidas, dar consellos de estilismo e descubrirlle novidades ós meus seguidores. A miña idea é poder interactuar cos meus seguidores e resolver, na medida do posible, as preguntas que plantexan.  Aínda que por cuestións laborais agora mesmo teño os vídeos en stand by. Espero recuperar a sección pouco a pouco porque tivo moi boa acollida entre os meus seguidores

 

Como é a túa relación coas marcas? De cal es realmente Brand Lover?

 

Realmente non teño ningunha marca fetiche, senón que me guío polo que realmente me gusta a min e por como me senta, independentemente da marca. Pero por susposto que son unha admiradora de Zara e do imperio Inditex. É máis, creo que é imposible non selo porque estamos falando dunha empresa de moda que saca novas prendas cada semana a prezos asequibles. Realmente é un anticipo e incluso a veces un pouco inspiración das coleccións de grandes deseñadores. Amancio Ortega acadou a fórmula para achegar a Alta Costura e os últimos deseños á xente da rúa.

 

Interactúas cos teus seguidores nas redes sociales?

Por suposto, interactúo e moito! Aínda que a veces menos do que me gustaría. Intento responder sempre a tódalas súas preguntas e manterme sempre en contacto. Tanto é así que incluso podo dicir que acadei o grao de amizade con persoas que coñecín a través do blog e das redes sociais.

 

Ser  blogger cambiouche a vida?

En realidade non, aínda que ó mellor si o fixo e non son consciente porque cada decisión que tomamos condiciona o noso futuro. Eu sigo coa miña vida, a miña parella, a miña familia, o meu traballo, os meus amigos… É verdade que eu tampouco quixen que cambiase demasiado. Non me gusta ir a actos blogger. Non seu día, cando comecei, sí que acudia e disfrutabaos. Agora mesmo non vou porque creo que se perdeu un pouco a esencia do que era un blog. Agradezo moito que me inviten, pero selecciono moito a onde ir, con que marcas colaborar, etc. E tampouco me gusta estar sacando fotos a todo e pendente en todo momento de onde está unha boa foto para subir ás redes sociais. Hai moitos momentos que sigo querendo que sexan só meus e dos meus. Cambioume no sentido de coñecer a xente nova, colaborar con marcas e que lle adico tempo porque realmente me gusta, pero a miña vida segue sendo a mesma.

 

Sabemos que eres Fashion Blogger, pero a que dedicas parte do teu tempo libre?

 

A verdade non é que dispoña de moito tempo libre. Pero teño a sorte de que o meu fotógrafo para o blog é a miña parella, así que compartimos a afición e iso permítenos pasar ese tempo xuntos. O resto do tempo adicámolo a viaxar, facer algo de deporte, pasar tempo cos amigos e coa familia e a un proxecto que temos agora mesmo entre mans e que nos está a quitar tempo ós dous.

 



Canto tempo adicas diariamente ao blog?

Máis ou menos entre  unha hora e media e dúas horas diarias. Normalmente fago 3 actulizacións semanais. Intento sempre que dúas delas sexan outfits e a outra, unha recomendación dalgunha marca, a respostar alguna dúbida que me preguntan por correo electrónico, novidades dalgunha tenda, etc. Isto require sacar as fotos, plantexar o contido, estructuralo, etc…ó final, moitas veces as dúas horas, quedan escasas…

1239026_239912509495933_605036294_n

 

Cal foi a mellor experiencia que vivistes como blogger? E a peor?

A mellor experiencia, sen dúbida, é a xente que coñecín grazas ó blog. Como che contaba, podo chamarlle a algunha delas, amigos.

E a peor, bueno, por dicir algunha, porque non tiven ningunha mala, supoño que algún troll de internet que che deixa comentarios malintencionados.

Despois, como anécdota, teño que dicir que, a pesar de ter un blog, son unha persoa vergoñosa, e máis dunha vez cando alguén me recoñeceu pola rúa púxenme máis que colorada e non souben moi ben que dicir. Sen dúbida, tamén foi unha boa experiencia para superar esa vergoña, que non debería de sentir.

 

Que asignatura tes pendente como blogger? 

Como blogger, quizáis o que máis me gustaría sería traballar no deseño dalgunha colección ou a colaboración nalgún programa de estilismo. En Galicia temos grandes deseñadores, grandes profesionais da moda e sería totalmente feliz podendo facer algunha colaboración dese tipo con eles.

 

 
 
 

Axúdanos a seguir escribindo mercando algún destes artigos de Amazon ou mercando algo a partir dos links, só se o precisas.